ខេត្តស្ទឹងត្រែង៖ នៅផ្ទះឈ្មោះ ថាយ ស៊ុនអ៊ី មេប៉ុស្តិ៍ស្រែគរ សមត្ថកិច្ចចម្រុះ ចុះឡោមព័ទ្ធបង្ក្រាបដកហូត ឈើប្រណិតជាង៤០០ដុំ កាលពីវេលាម៉ោង ៨ និង ៣០ នាទីព្រឹកថ្ងៃទី២២ ខែកុម្ភៈ ឆ្នាំ២០១៧ នៅត្រង់ចំណុចផ្ទះមេប៉ុស្តិ៍ស្រែគរ ស្ថិតក្នុងភូមិខ្សាច់ថ្មី ឃុំតាឡាត ស្រុកសេសាន្ត ខេត្តស្ទឹងត្រែង។
សមត្ថកិច្ចដែលបានចុះបង្ក្រាបឈើប្រណិតខុសច្បាប់នោះបាន ឱ្យដឹងថា ទីតាំងស្តុកឈើខុសច្បាប់ខាងលើ មានឈ្មោះ ថាយ ស៊ុនអីុ ដែលមានតួនាទីជាមេប៉ុស្តិ៍ស្រែគរ។
ប្រភពដដែលបានឱ្យដឹងទៀតថា មេប៉ុស្តិ៍រូបជាមន្ត្រីនគរបាលយុត្តិធម៌ មានតួនាទីទប់ស្កាត់បង្ក្រាបបទល្មើសដែលខុសច្បាប់ តែផ្ទុយទៅវិញបែរជាប្រព្រឹត្ត្តបទល្មើសខ្លួនឯង កាងឈ្មួញរកស៉ីឈើនឹងរកស៉ីឈើយកមកស្តុបទុក ដើម្បីលក់បន្តខុសនឹងច្បាប់ ដែលផ្ទុយទៅនិងបទបញ្ចារបស់សម្តេចក្រឡាហោម ស ខេង ឧបនាយករដ្ឋមន្ត្រីនឹងជារដ្ឋមន្ត្រីក្រសួងមហាផ្ទៃឱ្យកងកម្លាំងប្រដាប់អាវុធទាំងអស់ដកខ្លួនឱ្យឆ្ងាយពីបទល្មើសគ្រប់ប្រភេទ បើមន្ត្រីណានៅតែប្រព្រឹត្តិលោកនឹងចាត់ការទៅតាមច្បាប់ដោយមិនយល់យោគឡើយ។
សមត្ថកិច្ចបានបញ្ជាក់ថា ក្រោយពីមានសេចក្តីរាយការណ៍ថាផ្ទះមេប៉ុស្តិ៍ខាងលើមានផ្ទុកឈើប្រណីតខុសច្បាប់ជាច្រើនកុំនរជាច្រើនដុំ ខណៈពេលនោះកម្លាំងចម្រុះបានចុះឡោមព័ទ្ធនៅទីតាំងខាងលើនោះភ្លាមៗតែម្តង ហើយក៏បានរកឃើញឈើប្រណីតប្រភេទឈើធ្នង់ ដាក់នៅតាមកម្ពោតព្រៃជាច្រើនកន្លែង ក្នុងបរិវេណផ្ទះរបស់លោកមេប៉ុស្តិ៍ ឈ្មោះថាយ ស៊ុនអ៉ី ក្រោយមកជំនាញរដ្ឋបាលព្រៃឈើក្បាលរមាស លោកទិត្យ វី ជានាយសង្កាត់ក៏បានធ្វើកំណត់ហេតុដកហូតឈើទាំងនោះ ដោយមានទទួលស្គាល់ពីម្ចាស់ផ្ទះ តែខណៈពេលនោះដែរគឺ លោកមេប៉ុស្តិ៍មិនបាននៅផ្ទះនោះទេ ។
បច្ចុប្បន្នឈើប្រណីតខុសច្បាប់ខាងលើនេះ នៅល្ងាចថ្ងៃទី២២ខែកុម្ភ:ឆ្នាំ២០១៧ សមត្ថកិច្ចជំនាញបានធ្វើការដឹកជញ្ជូនយកមកក្សាទុកនៅថ្នាលបណ្តុះកូនឈើសង្កាត់ក្បាលរមាសស្រែគរដើម្បីចាត់ការតាមនិតិវិធី ៕
