ឧត្តរមានជ័យ ៖ ម៉ូតូ១គ្រឿងជិះគ្នា២នាក់ទាំងស្រវឹងជោគជាំ បើកលឿនពេកវ៉ាម៉ូតូរថយន្តដួលស្លាប់បាត់បង់ជីវិតភ្លាមៗនៅនឹងកន្លែងកើតហេតុ កាលពីវេលាម៉ោង១រំលងអាធាត្រឈានចូលថ្ងៃទី២១ខែកុម្ភៈឆ្នាំ២០១៧ ស្ថិតនៅក្នុងភូមិ ត្របែក សង្កាត់បុស្បូវ ក្រុងសំរោង ខេត្តឧត្តរមានជ័យ។
សមត្ថកិច្ចនគរបាលបានឲ្យដឹងថា បុរសរងគ្រោះទី១ឈ្មោះចាន់ ថូអាយុ២៧ឆ្នាំរស់នៅភូមិពោធិចាស់ ឃុំបេងស្រុកបន្ទាយអម្ពឹល ខេត្តឧត្តរមានជ័យ មុខរបរទាហានអង្គភាពកងពលតូចអន្តរាគមន៍លេខ៥ ជាអ្នកបើកបរម៉ូតូម៉ាកវេវ C១០០ ពណ៍ខ្មៅពាក់ស្លាក់លេខ ឧត្តរមានជ័យ១B៦៤.៧៧ ។ទី២ឈ្មោះចាន់ សុផលអាយុ២៨ឆ្នាំរស់នៅភូមិឃុំជាមួយគ្នាជនរងគ្រោះខាងលើ។
បើតាមមន្ត្រីប៉ូលីសក្រុងសំរោងបានឱ្យដឹងថា បន្ទាប់ពីបានទទួលព័តមានមកថា មានករណីគ្រោះថ្នាក់ចរាចរណ៍កើតឡើង នៅដងផ្លូវជាតិលេខ៥៦ចម្លោះបង្គោលគីឡូម៉ែត្រលេខ១០៧នឹង១០៨ក្នុងភូមិឃុំខាងលើ សមត្តកិច្ចបានចុះទៅដល់កន្លែងធ្វើការត្រួតពិនិត្យឃើញថា គ្រោះថ្នាក់ដោយខ្លួនឯងដោយសារតែស្រវឹងហើយបើកបរម៉ូតូក្នុងល្បឿនលឿនពេកទើបជួបគ្រោះថ្នាក់បែបនេះ ។ ក្រោយពីបានពិនិត្យរួចសមត្តកិច្ចបានប្រគល់សាកសពទៅឱ្យក្រុមគ្រួសារយកទៅធ្វើបុណ្យទៅតាមប្រពៃណី៕
