ខេត្តកំពង់ធំ៖ អាវុធហត្ដឃាត់ខ្លួនបុរសម្នាក់បញ្ជូនទៅតុលាការ នារសៀល ថ្ងៃទី១៩ ខែកុម្ភៈ ឆ្នាំ២០១៧ បន្ទាប់ពីយក ឈ្មោះ ព្រះរាជអាជ្ញា និងព្រះរាជអាជ្ញារង ដើរគំរាមយកលុយពីប្រជាពលរដ្ឋរកស៊ីខុសច្បាប់។
ហេតុការឃាត់ខ្លួន បានធ្វើឡើងនៅថ្ងៃទី១៨ ខែកុម្ភៈ ឆ្នាំ២០១៧ នៅនិងផ្ទះជនរងគ្រោះតែម្ដងក្នុងភូមិបល្ល័ង្គ សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
បុរសសង្ស័យឈ្មោះ ហ៊ុង ហេន អាយុ៤៤ឆ្នាំ រស់នៅក្រុងស្ទឹងសែន ខេត្តកំពង់ធំ ហើយជននេះតែងតែបោកលុយពីប្រជាពលរដ្ឋជាញឹកញ៉ាប់ តាមរូបភាពផ្សេងៗ ។
ចំណែកលោក ព្រះរាជអជ្ញា បានបញ្ជាឲ្យសមត្ថកិច្ចឃាត់ខ្លួនជនសង្ស័យព្រោះយកឈ្មោះព្រះរាជអជ្ញា ដើរទៅគំរាមគំហែងទារលុយពី ប្រជាពលរដ្នចំនួន៥០០ដុល្លារ ជាថ្នូរ និងការមិនចាប់ខ្លូន(កូនប្រជាពលរដ្ឋ ដែលធ្លាប់លួចប្រើប្រាស់ថ្នាំញៀន)កន្លងមក។
