សេចក្តីរាយការណ៍ពីក្រុមអាជីវកររកស៊ីដឹកទំនឹញឆ្លងកាត់តំបន់នោះ សំដែងការមិនសប្បាយចិត្តដោយ សារតែក្រុមប៉ូលិសទាំងនេះបានចេញស្ទាក់ចាប់រថយន្តរបស់ពួកគាត់ទាំង យប់ទាំងថ្ងៃ ក្រោមលេសថា ត្រូតពិនិត្យហើយធ្វើសកម្មភាពជំរិតទារប្រាក់ឆៅៗ តាមតែអំពើចិត្ត ដោយគ្មានខ្លាចរអារបន្តិច សោះឡើយ ។ ហើយកុងត្រូលជជុះដុះស្លែមួយ កន្លែង សង្ស័យជារបស់ប៉ូលិសខេត្តព្រះសីហនុ បានដាក់ប៉ុស្តិ៍ប្រចាំការ24ម៉ោងលើ ២៤ម៉ោង នៅចំណុចស្ពានទី1ផ្លូវជាតិលេខ 3 ស្ថិតនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ។
យោងតាមសេចក្តីរាយការណ៍បានឱ្យដឹងថាក្រុមប៉ូលិសចំនួន 4នាក់ដែលដាក់កុងត្រូលជជុះខាងលើនេះ គឺ 2នាក់ ត្រូវបានគេស្គាល់ច្បាស់ថា ជាកូនក្មួយរបស់អតីតស្នងការប៉ូលិសខេត្តព្រះសីហនុ។ ដោយឡែក ប៉ូលិសទាំងពីរនាក់នេះ ត្រូវបានគេស្គាល់ទី1ឈ្មោះ អ៊ីន សំអុល ពាក់ស័ក្តិ3មានតួនាទីជាអនុប្រធាន ការិយាល័យ ។ ទី 2 ឈ្មោះ ទេព ចំរើន ជាអនុប្រធានផ្នែក និង2នាក់ទៀតមិនស្គាល់ឈ្មោះ។ ក្នុងចំណោម ប៉ូលិសទាំងបួននាក់នេះ ឈ្មោះ ទេព ចំរើនទោះបីជាមានឋានៈតូចតាចមែន ប៉ុន្តែគេជា អ្នក ពូកែ ខាងដេញស្ទាក់ចាប់រថយន្តរបស់ប្រជាពលរដ្ឋ ដែលធ្វើដំណើរនៅតាមផ្លូវជាតិលេខ 4 និងផ្លូវជាតិលេខ3ក្នុងភូមិសាស្ត្រតំបន់ផ្សារវាលរេញ ។
កាលពីថ្ងៃទី12 ខែមិថុនា ឆ្នាំ2014 កន្លងមកនេះ ក្រុមកុងត្រូលជជុះដុះស្លែទាំងនោះ បានស្ទាក់ចាប់ រថយន្តកូរ៉េ មួយគ្រឿង ដែលដឹកម៉ូតូប្រមាណ 10គ្រឿង នៅលើផ្លូវជាតិលេខ 4 ត្រង់ចំណុចជញ្ជីងអេស្សិត ដោយចាប់អូស រថយន្តយកមកស្នងការប៉ូលិសខេត្តដោយចោទថា រថយន្តនេះបាន ដឹកម៉ត៉ូគេចពន្ធ លុះមកដល់ស្នងការ បន្ទាប់ពីធ្វើ ការពិនិត្យមើលម៉ូតូទាំងនេះ ឃើញថា មានពន្ធនាំចូលស្រប ច្បាប់ត្រឹមត្រូវ ក៏មានការប្រកែកគ្នាបន្តិចបន្តូចរវាងម្ចាស់ ម៉ូតូនិងប៉ូលិសឈ្មោះ ទេព ចំរើន ស្រាប់តែពេលនោះឈ្មោះ ទេព ចំរើន បានខឹងច្រឡោតហើយហក់ទៅវាយម្ចាស់ម៉ូតូ បណ្តាលឱ្យរងរបួសស្រាល។
ក្រុមប្រជាពលរដ្ឋ និងអាជីវករ សូមសំណូមពរដល់លោក ស៊ាង កុសល ស្នងការនគរបាល ខេត្តព្រះសីហុន ក៏ដូចជា លោក ឈិត សុខុន អភិបាលនៃគណៈអភិបាលខេត្តព្រះសីហនុ ចាត់វិធានការលុបបំបាត់ក្រុមកុងត្រូលជជុះខាងលើនេះផង ៕
