រាជធានីភ្នំពេញ ៖ កម្លាំងអធិការដ្ឋាន នគរបាល ខណ្ឌឫស្សីកែវ បានចុះធ្វើការស្រាវជ្រាវ បង្ក្រាបជាក់ស្តែងនូវករណីជួញដូរនូវសារធាតុញៀន ខុសច្បាប់ឃាត់ខ្លួនបុរសម្នាក់និង ថ្នាំញៀនចំនួន0៤កញ្ចាប់ កាលវេលាម៉ោង១៧និង២០នាទី -នៅថ្ងៃទី១៨ ខែ កុម្ភៈ ២០១៧
នៅចំណុចផ្លូវជាតិលេខ០៥ មុខរោងចក្រម៉ូរៀ ក្រុមទី៤ ភូមិលូ សង្កាត់ស្វាយប៉ាកខណ្ឌឫស្សីកែវ។
បុរសសង្ស័យ ដែលសមត្ថកិច្ចឃាត់ខ្លួនមានឈ្មោះ សោ សុខចំរើន អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ (ជួញដូរ) មានទីលំនៅ ក្រុម៤ ភូមិលូ សង្កាត់ស្វាយប៉ាក ។ វត្ថុតាងដកហូតមានថ្នាំញៀនក្រាមពណ៌សថ្លាចំនួន0៤កញ្ចាប់។
បច្ចុប្បន្ន សមត្ថកិច្ចនគរបាលកំពុងរៀបចំសាងសំណុំរឿងបញ្ជូនជនសង្ស័យនិងវត្ថុតាងទៅតុលាការចាត់ការតាមនីតិវិធី ៕
