ខេត្តបន្ទាយមានជ័យ៖ នៅល្ងាចថ្ងៃទី១៧ ខែកុម្ភ: ឆ្នាំ២០១៧ សួនបវរអភិបាលខេត្តបន្ទាយមសនជ័យ ឯកឧត្តម អ៊ុង អឿនប្រធានក្រុមប្រឹក្សាខេត្ត លោកឧត្ដមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ អមដំណើរដោយ ថៅកែរោងចក្រនិងប្រតិភូថៃ ថ្នាក់ដឹកនាំមន្ទីរ អង្គភាពនានាជុំវិញខេត្តបានចូលរួមចុះពិនិត្យមើលតំបន់សេដ្ឋកិច្ចពិសេសក្នុងក្រុងសិរីសោភ័ណ របស់ខេត្តបន្ទាយមានជ័យ និងសំណេះសំណាលជាមួយកម្មករ កម្មការនី ក្នុងរោងចក្រ ក្រុមហ៊ុនអេស.ភីប្រាឌ័រ(ស៊ីសុផុន) និងក្រុមហ៊ុន ធី.ខេ ហ្កាមេនស៊ីសុផុនចំកាត់ ស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ។
ក្រុមហ៊ុនទាំង២ខាងលើនេះមានក្រុមហ៊ុនផលិតសម្លៀកបំពាក់ ដែលមានមានកម្មករ កម្មការនី កំពុងបំពេញការងារប្រមាណជាង ១.៣០០នាក់ ដែលកម្មករ កម្មការនីភាគច្រើនមកពីតាមបណ្តា ក្រុង ស្រុក នានាទូទាំងខេត្តបន្ទាយមានជ័យ។លោកប្រធានក្រុមហ៊ុនរោងចក្រក្រុមហ៊ុនអេស.ភីប្រាឌ័រ(ស៊ីសុផុន) និងក្រុមហ៊ុន ធី.ខេ ហ្កាមេនស៊ីសុផុនចំកាត់ បាននិយាយប្រាប់លោកអភិបាលខេត្តថារោងចក្ររបស់លោកទើបតែបង្កើតបានយៈពេល២ឆ្នាំទេឆ្នាំទី១កម្មករ កម្មការនីចូលធ្វើការក្នុងរោងចក្រមានតែចំនួន៣០០នាក់តែប៉ុណ្ណោះដោយសារតែរោងចក្រមានលក្ខ័ណការងារល្អ ប្រាក់ខែរបស់កម្មករ កម្មាការនីអាចទទួលយកបាន ធ្វើការក្នុងរយៈពេល៨ម៉ោងក្នុង១ថ្ងៃហើយក៏មានធ្វើអូរបន្ថែម មានពេលឈប់សំរាកថ្ងៃអាទិត្យ និងថ្ងៃបុណ្យ ក្នុងរោង ចក្រមានផាសុខភាពល្អ មានខ្យល់ពេញចូលធ្វើឲ្យកម្មករ កម្មការនីគ្មានរងការដួសសន្លប់នោះឡើយ ។ ជាហេតុធ្វើឲ្យកម្មករ កម្មការនីនាំគ្នាដាក់ពាក្យចូលធ្វើការក្នុងរោងចក្រនេះយ៉ាងគគ្រឹកគគ្រេង ធ្វើឲ្យរោងចក្រនេះកម្មករកម្មារនីកើនឡើងរហូតដល់ជិត២.០០០នាក់ ហើយរហូតមកដល់សព្វថ្ងៃនេះ ។
ប្រធានរោងចក្របានបញ្ជាក់ទៀតថា ក្រុមហ៊ុនរបស់លោកក៏មានដាក់ទុនធ្វើរោងចក្រនៅប្រទេសវៀតណាមដែរកន្លងមកនេះ ដោយសារតែប្រទេសវៀតណាមការងាតឹងតែង ប្រាក់ឈ្មួលកម្មករថ្លៃជាងប្រទេសកម្ពុជា ធ្វើឲ្យលោកយករោងចក្រនោះមកដាក់នៅនោះក្រុងសិរីសោភ័ណនេះបន្តទៀត ។
ថៅកែរោងចក្របានបញ្ជាក់ទៀតថា ក្រុមហ៊ុនរបស់លោកនិងធ្វើរោងចក្រឲ្យបានគ្រប់ចំនួន៣៥រោងចក្រហើយក្នុង១រោងចក្រអាចដាក់កម្មករ កម្មាការនី បានចំនួន១៥០០នាក់ទៅអនាគត រោងចក្រក្នុងក្រុងសិរីសោភ័ណនេះ អាចទាក់ទាយកម្មករ កម្មការនីបានរាប់សែននាក់ចូលមកធ្វើការ ។ ក្នុងនោះកម្មការនីម្នាក់ឈ្មោះ ហ៊នលាភី រស់នៅក្នុងភូមិខ្លាកូនចាស់ ក្នុងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យបាននិយាយប្រាប់អ្នកយកព័ត៌មានឲ្យដឹងថាខ្លួនពេញចិត្តក្នុងការធ្វើជាកម្មការនីក្នុងរោងចក្ររបស់ក្រុមហ៊ុនអេស.ភីប្រាឌ័រ(ស៊ីសុផុន) និងក្រុមហ៊ុន ធី.ខេ ហ្កាមេនស៊ីសុផុនចំកាត់នេះណាស់ ព្រោះធ្វើការមានម៉ោងកំណត់ក្នុង១ថ្ងៃ ធ្វើការ៨ម៉ោង មានម៉ោងឈប់សំរាក ថ្ងៃអាទិត្យ និងថ្ងៃបុណ្យក៏ឈប់សំ ប្រាក់ខែអាចទទួលយកបាន ពិសេសទៅទៀតនោះនៅជួបជុំគ្រួសារ ។
កម្មការនីឈ្មោះ ហ៊ន លាភា បានបញ្ជាក់ទៀតថា ពលករខ្មែរដែលទៅស៊ីឈ្នួលនៅស្រុកថៃប្រាក់ខែប្រហាក់ប្រហែលនិងកម្មកររោងចក្រនេះដែរ តែនៅប្រទេសថៃប្រឈមនិងបញ្ហាច្រើនដែលត្រូវជួបប្រទះ និងបញ្ហាហូចចុកជាដើម និយាយរួម គឺគ្មានសិទ្ធិសេរីភាពក្នុងការរស់នៅក្នុងប្រទេសគេនោះឡើយ ដូច្នេះបើយើងធ្វើការក្នុងរោងចក្រនេះ ប្រាក់ខែក៏ច្រើនមានសិទ្ធសេរីភាពពេលលេញ ក្នុងការរស់នៅជាមួយក្រុមគ្រួសារទៀតផង៕
