ខេត្តបាត់ដំបង ៖ សមត្ថកិច្ចអាវុធហត្ថខេត្តបាត់ដំបង បញ្ជូនបុរសម្នាក់ជាប្តីវាយរឹតក និងខ្សែក្រវ៉ាត់សម្លាប់ក្នុងបន្ទប់ទឹក ទៅតុលាការនារសៀលថ្ងៃទី១៧ ខែកុម្ភ: ឆ្នាំ២០១៧ចាត់ការតាមនិតិវិធី។
ហេតុការណ៍វាយសម្លាប់នៅម៉ោង១៧និង៣០នាទីថ្ងៃទី១៦ ខែកុម្ភ: ឆ្នាំ២០១៧ នៅចំណុចភូមិដូង ឃុំបឹងរាំង ស្រុកកំរៀង ខេត្តបាត់ដំបង ។ ក្រោយកើតហេតុ បុរសសង្ស័យបានជិះម៉ូតូគេចខ្លួនទៅផ្ទះម្តាយបង្កើត របស់គេ នៅស្រុកសាលាក្រៅខេត្តប៉ៃលិន តែត្រូវអាវុធហត្ថស្រុកកំរៀងឃាត់ខ្លួនមកវិញ។
សមត្ថកិច្ចអាវុធហត្ថខេត្តបាត់ដំបងបានឲ្យដឹងថាបុរសសង្ស័យជាឃាតកមានឈ្មោះ ង៉ូវ សុខលីន អាយុ២៥ឆ្នាំ(ជាប្តី)មុខរបរមិនប្រាកដ។ចំណែកជនរងគ្រោះ ជាប្រពន្ធឈ្មោះ ខឿន ចំរើន អាយុ៣៥ឆ្នាំ ស្លាប់នៅក្នុងបន្ទប់ទឹក មានកូន៣នាក់ មុខរបរលក់ដូររស់នៅចំណុចកើតហេតុខាងលើ ។ សមត្ថកិច្ចស្រាវជ្រាវឃើញមានស្នាមរបួសវាយតប់គ្នា និងស្មាមរឹតកនឹងវត្ថុតាងខ្សែក្រវ៉ាត់។
បុរសសង្ស័យបានសារភាពថា ខ្លួនបានលង់ស្នេហ៍ជាមួយឈ្មោះ ខឿន ចំរើន ម៉េម៉ាយកូន ៣ នាក់ តាំងពីឆ្នាំ២០១៥ ហើយបានសែនព្រេនជាប្តីប្រពន្ធ នៅផ្ទះខាងស្រី រហូតមក ។ តែនៅខែកុម្ភ: ឆ្នាំ២០១៧ ម្តាយក្មេកគាត់តែងរករឿង បណ្តេញចេញពីផ្ទះ ខ្លួនទ្រាំមិនបានក៏ទៅនៅផ្ទះម្តាយបង្កើត ។ លុះម៉ោង១៧និង៣០នាទី ថ្ងៃទី១៦ ខែកុម្ភ: ឆ្នាំ២០១៧ ប្រពន្ធបានទូរស័ព្ទហៅប្តីមករួមរស់ជាមួយវិញ ពេលជួបចចារគ្នាប្តីលួងលោមប្រពន្ធឲ្យទៅនៅខាងប្រុស ពេលនោះ ប្រពន្ធមិនព្រមទៅ ខ្លួនជាប្តីខឹង ។ ម្យ៉ាងទៀត ពេលឈ្លោះគ្នានាងជាប្រពន្ធ មិនដឹងនិយាយទូរស័ព្ទទៅណាទេ ខ្លួនខឹងកាន់តែខ្លាំង កើតឈ្លោះវាយតប់គ្នាមុតក្រចករាងខ្លួន ដោយឈឺខ្លាំងពេក ប្តីកាច់កប្រពន្ធនិងយកខ្សែក្រវ៉ាត់រឹតកសម្លាប់ក្នុងបន្ទប់ទឹកតែម្តង ៕
