ខេត្តព្រៃវែង ៖ មន្ត្រីផ្នែក និងសង្កាត់រដ្ឋបាលព្រៃឈើបាភ្នំ សហការជាមួយក្រុមអន្តគមន៍បង្ក្រាបសត្វព្រៃចល័ត និងកម្លាំងកងរាជអាវុធហត្ថ នាថ្ងៃទី១៥ ខែកុម្ភៈ ឆ្នាំ២០១៧ បានចាប់ឃាត់ម៉ូតូ ០១គ្រឿង ម៉ាក HONDA 110cc ពាក់ស្លាកលេខ 66-H6 7609 ពណ៌ខ្មៅ ដឹកជញ្ជូន សត្វលលកទ្រាំងរស់ ៣៣ក្បាល លលកបាយរស់ ៩៧ក្បាល និងពស់សាំងសឿរស់ ០១ក្បាល (ទម្ងន់ ១គីឡូក្រាម២០) នៅចំណុចភូមិជីពាយ ឃុំចាម ស្រុកកំពង់ត្របែក ខេត្តព្រៃវែង ។
មានម្ចាស់ឈ្មោះ ង្វៀង យ៉ាំងយុង ជនជាតិវៀតណាម។ បច្ចុប្បន្នម៉ូតូរក្សាទុកនៅផ្នែករដ្ឋបាលព្រៃឈើបាភ្នំ សត្វរស់យកទៅរក្សាទុកនៅសួនសត្វភ្នំតាម៉ៅ និងកសាងសំណុំរឿងតាមនិតិវិធី ៕
