ខេត្តកំពង់ធំ ៖ សកម្មភាពនៃបទល្មើសនេសាទរបាំងរ៉ាវរាប់ស៊ឹប របាំងគ្រប់រូបភាពយ៉ាងគគ្រឹកគគ្រេងនៅក្នុងដែនឡូតិ៍លេខ ៧ ក្នុងស្រុកបារាយណ៍ ទាំងរដូវបិទការនេសាទ ទាំងរដូវបើកការនេសាទ បិទបឹង បិទព្រែក ពុំមានការឈឺខ្វល់ពីសំណាក់អស់លោកសមត្ថកិច្ចជំនាញ ក្នុងខេត្តកំពង់ធំណាម្នាក់នៅឡើយទេ ចំណែកធនធានជលផលកំពុងទទួលរងនូវការ បំផ្លិចបំផ្លាញយ៉ាងធ្ងន់ធ្ងរ ។
តែយើងក្រឡេកមើលលោក ប៉ែន សុវណ្ណរិទ្ធ នាយខ័ណ្ឌរដ្ឋបាលជលផល ខេត្តកំពង់ធំ មិនអនុវត្តតាមបទបញ្ជារបស់ប្រមុខថ្នាក់ដឹកនាំ ដែលបានដាក់ចេញកន្លងមកជាបន្តបន្ទាប់ ឲ្យមន្ត្រីក្រោមឱវាទក្នុងខេត្តកំពង់ធំទប់ស្កាត់ និងបង្ក្រាបឲ្យបានរាល់បទល្មើសនេសាទខុសច្បាប់ ដែលកើតមានគ្រប់រូបភាពនៅលើអាណាចក្ររបស់ខ្លួនគ្រប់គ្រង តែមន្ត្រីជំនាញក្រោមឱវាទក្នុងខេត្តកំពង់ធំ មិនអនុវត្តតាមនោះទេ នៅតែបណ្តោយឲ្យបទល្មើសនេសាទទាំងនោះបន្តកើតមានដដែល ។
មតិប្រជាពលរដ្ឋជាច្រើនដែលពួកគាត់រស់នៅភូមិទួលតាម៉ុមក្នុងស្រុកបារាយណ៍បានឲ្យដឹងថា គឺពួកាត់សព្វថ្ងៃនេះ ពិបាកក្នុងការប្រកបមុខរបរជាលក្ខណៈ គ្រួសារ ព្រោះបទល្មើសនេសាទទ្រង់ទ្រាយធំកើតឡើងជារៀងរាល់ឆ្នាំគ្រប់រូបភាព ។
បទល្មើសនេសាទទាំងនោះ រួមមាន របាំងរ៉ាវ ក្រឡាញឹកគ្រប់ប្រភេទដែលធ្វើពីសាច់អួន របាំងលូស្បៃមុងរាប់រយរបាំងនៅត្រង់ចំណុច ស្ទឹងកំបត់ ចំណុច ឆ្តោ ចំណុច សានស្រី ចំណុច បឹងផ្ទោល ចំណុច បឹងពពាយ ចំណុច កោះតាកែវ ចំណុចបឹងទុង ចំណុច ព្រែកអន្លុងផ្តៅ ចំណុចកោះឆ្កែឆ្លង ចំណុចព្រែកទាល់ ដែលស្ថិតក្នុង ឃុំចំនួនពីគឺ ឃុំទៀល និងឃុំស្រឡៅ ស្រុកបារាយណ៍ខេត្តកំពង់ធំ ។
មតិប្រជាពលរដ្ឋដដែលនោះបានបន្តទៀតថា សព្វថ្ងៃនេះគឺពួកគាត់កំពង់តែជួបការលំបាកក្នុងការធ្វើដំណើរឆ្លងកាត់ ព្រោះរបាំងរត់វែង ហើយច្រើនទៀត ពួកគាត់បានឃើញសមត្ថកិច្ចជំនាញនៅតាមបណ្តាស្រុកផ្សេងៗដែលជាប់ព្រុំប្រទល់ចុះង្ក្រាបដូចភ្លៀងរលឹម បង្ក្រាបជាប្រចាំតែម្តង តែសមត្ថកិច្ចជំនាញក្នុងស្រុកបារាយណ៍អត់មាន
ការចុះបង្ក្រាបទេ ឯកឧត្តម សុខ លូ អភិបាលខេត្ត ហើយក៏ជាប្រធានគណៈបញ្ជាការឯកភាពរដ្ឋបាលខេត្តកំពង់ធំផងដែរ ក៏ពុំមានចំណត់ការដែរ ឬ មួយអនុសាសន៍ របស់ សម្តេចក្រឡាហោម ស ខេង ពំមានប្រសិទ្ធិភាពក្នុងខេត្តកំពង់ធំ ។
យោងតាមប្រភពព័ត៌មានពីប្រជាដែលរស់នៅភូមិទួលតាម៉ុមក្នុងស្រុកបារាយណ៍បានឲ្យដឹងថា ពួកក្រុមជនល្មើសនេសាទធ្វើសកម្មភាពដាក់របាំងស្ទាក់ចាប់ត្រីយ៉ាងគគ្រឹកគគ្រេងទាំងយប់ទាំងថ្ងៃដោយមិនខ្លាចសមត្ថកិច្ចណាម្នក់ទេ ព្រោះអី ក្រុមពួកគេបានរត់ការអស់ ហើយប្រជាពលរដ្ឋជាច្រើនក្នុងស្រុកបារាយណ៍ឃ្លាំចាំមើលអនុសាសន៍របស់សម្តេចក្រឡាហោម ស ខេង មកលេើមន្ត្រីក្រោមឱវាទក្នុងខេត្តកំពង់ធំ តើមានប្រសិទ្ធិភាពកម្រិតណាក្នុងការបង្ក្រាបបទល្មើសនេសាទនៅក្នុងស្រុកបារាយណ៍ ៕
រង់ចាំអាននៅលេខក្រោយទៀត
