ខេត្តស្ទឹងត្រែង ៖ កម្លាំងអាវុធហត្ថលើផ្ទៃប្រទេស សហការជាមួយកម្លាំងកងរាជអាវុធហត្ថខេត្តស្ទឹងត្រែងចុះបង្ក្រាប រថយន្ត១គ្រឿងម៉ាកលុចស៊ីស៤៥០ ដឹកឈើប្រណិតក្រញូងជិត១តោន ខណៈកំពុងដឹកជញ្ចូនលើដងផ្លូវជាតិលេខ៧៨ ហើយអ្នកបើកបររត់គេចខ្លួនបាត់
កាលពីថ្ងៃ១៤ខែកុម្ភៈឆ្នាំ២០១៧ក្នុងភូមិកាតូតឃុំកំផុនស្រុកសេសានខេត្តស្ទឹងត្រែង។
សមត្ថកិច្ចអាវុធហត្ដបញ្ចាក់ថា រថយន្តដែលឃាត់ ម៉ាកលុចស៉ីស៤៥០ពណ៍ខ្មៅពាក់ស្លាកលេខភ្នំពេញ2E-3170និង ឈើក្រញូងមានចំនួន៨១ដុំស្មើ៧៦៤គីឡូក្រាម។
សមត្ថកិច្ចអោយដឹងថា មុនបង្ក្រាបបាន រថយន្តខាងលើ បានដឹកឈើក្រញូងពីស្រុក ថាឡាបរិវ៉ាត់ គោលបំណងឆ្ពោះទៅកាន់ខេត្តនានាដែលមានទីផ្សារនាំចេញទៅកាន់ប្រទេសវៀតណាមតែរថយន្តដឹកឈើក្រញូងនោះ បានបញ្ឆោតសមត្ថកិច្ចនៅចំនុចអូរពងមាន់ ធ្វើដំណើទៅខេត្តក្រចេះ រួចបកត្រលប់ក្រោយ ឆ្ពោះទៅខេត្តរតន:គិរីវិញក៏ត្រូវកម្លាំងសមត្ថកិច្ចប្រដេញស្ទាក់ចាប់បានតែម្តង រីឯតៃកុងបានរត់គេចខ្លួនបាត់ស្រមោលភ្លាមៗផងដែរ ។
បច្ចុប្បន្នរថយន្តនិងឈើត្រូវបានប្រគល់ទៅអោយជំនាញរដ្ឋបាលព្រៃឈើចាត់ការបន្តតាមនិតិវិធីច្បាប់ ៕
