0

មន្ត្រី​អាវុធហត្ថ​ក្រុងភ្នំពេញ​ម្នាក់ បាញ់​សម្លាប់​ខ្លួនឯង​ក្នុង​ព្រៃត្រែង ដី​លី​យ៉ុង ផាត់​

មន្ត្រី​អាវុធហត្ថ​ក្រុងភ្នំពេញ​ម្នាក់ បាញ់​សម្លាប់​ខ្លួនឯង​ក្នុង​ព្រៃត្រែង ដី​លី​យ៉ុង ផាត់​

​ភ្នំពេញ ៖ សព​បុរស​ម្នាក់​ត្រូវបាន​ពលរដ្ឋ​ប្រទះឃើញ ដេកស្លាប់ ក្នុង​ព្រៃត្រែង ដី​លី​យ៉ុងផាត់​​ បង្ក​ការភ្ញាក់ផ្អើល សមត្ថកិច្ច​ពិនិត្យ សព​រងគ្រោះ ដឹងថា​ជា​មន្ត្រី​អាវុធហត្ថ​ក្រុងភ្នំពេញ​ម្នាក់ បាញ់​សម្លាប់​ខ្លួនឯង​។​

​ហេតុការណ៍​ភ្ញាក់ផ្អើល​កើតឡើង នៅវេលា​ម៉ោង​១ និង​៣០​នាទី រសៀល​ថ្ងៃ​ទី​១២ ខែ​កុម្ភ​: ឆ្នាំ​២០១៧ ស្ថិតក្នុង​ភូមិ​ព្រែក​តា​រ័ត្ន សង្កាត់​ព្រែក​តា​សេត ខណ្ឌ​ជ្រោយចង្វា រាជធានី​ភ្នំពេញ​។​

​សមត្ថកិច្ច​មូលដ្ឋាន បានឲ្យដឹងថា ហេតុការណ៍​នេះ​បាន​ភ្ញាក់ផ្អើល ដោយ​មាន​ប្រជាពលរដ្ឋ​៣-៤​នាក់ ជា​កម្មករ​ឡាន​ដឹក​អុស ធ្វើដំណើរ​តាម​ផ្លូវ លី យ៉ុង​ផាត់ បាន​ឈប់​ឡាន​នាំគ្នា​ចូល​បទ​ជើង នៅក្នុង​ព្រៃ​នោះ ហើយ​បាន​ប្រ​ទះ​ឃើញ​សព នៅ​ចំណុច​កើតហេតុ​ខាងលើ បានខ​ល​រាយការណ៍ ឲ្យទៅ​សមត្ថកិច្ច ក្រោយពី​ទទួល​ព័ត៌មាន សមត្ថកិច្ច បាន​ទៅដល់​កន្លែងកើតហេតុ បានឲ្យ​កម្លាំង​ជំនាញ មក​ពិនិត្យ នឹង​ធ្វើ​កោសល្យវិច័យ ចង់ដឹងថា ជា​ករណី​អត្តឃាត ឬ​ករណី​ឃាតកម្ម​។​

​សមត្ថកិច្ច​ជំនាញ បានឲ្យដឹងថា សព​បុរស​រងគ្រោះ មានឈ្មោះ ឃុត សាវុធ អាយុ ៣៧​ឆ្នាំ មុខរបរ ជា​មន្ត្រី​កងរាជអាវុធហត្ថ​ក្រុងភ្នំពេញ ពាក់​ស​កិ្ត​២ មាន​ទីលំនៅ​ភូមិ​ស្ពាន​ខ្ពស់ សង្កាត់​គីឡូម៉ែត្រ​លេខ​៦ ខណ្ឌ​ឬ​ស្សី​កែវ​។​

​សមត្ថកិច្ច បាន​រកឃើញ នៅ​លើ​សព​ជនរងគ្រោះ​មាន​កាំភ្លើងខ្លី​ម៉ាក K59 ដើម នៅក្បែ​ល​ខ្លួន​សព​ជនរងគ្រោះ​ដែល​មាន​លេខ​៤០២៨ មាន​គ្រាប់​ក្នុង​បង់​ចំនួន​៥​គ្រាប់  មាន​ទូរស័ព្ទដៃ​១​គ្រឿង កាបូប​លុយ​ចំនួន​១ ក្នុងនោះ​មាន លុយ​៦​ដុល្លារ លុយ​ខ្មែរ ចំនួន​៣០០០ រៀល នឹង ឯកសារ​មួយចំនួន នឹង​ក្រដាស់​បង្កាន់ដៃ​បញ្ចាំ ទូរស័ព្ទ​ម៉ាក​អាយ​ហ្វូន ចំនួន​១​សន្លឹក​ផងដែរ​។

​ក្រោយពី​សមត្ថកិច្ច ធ្វើ​កោសល្យវិចិយ បាន​សន្និដ្ឋានថា ជនរងគ្រោះ​ខាងលើ គឺ​ពិតជា​ធ្វើ​អត្តឃាត​ខ្លួនឯង ដោយ​យក​កាំភ្លើងខ្លី បាញ់​ក្បាល​សម្លាប់​ខ្លួនឯង​តែម្តង​។​

​សព​ជនរងគ្រោះ ក្រោយពី​សមត្ថកិច្ច ធ្វើ​កោសល្យវិច័យ​រួច បាន​ប្រគល់​ឲ្យទៅ​ក្រុមគ្រួសារ យក​ទៅ​ធ្វើបុណ្យ​តាម​ប្រពៃណី ៕

IMG-20170213-WA0084 IMG-20170213-WA0083 IMG-20170213-WA0082 IMG-20170213-WA0080

Filed in: សន្តិសុខ សង្គម

Recent Posts

Bookmark and Promote!