ខេត្តបាត់ដំបង៖ កាលពីវេលាម៉ោង៧និង ៣០នាទីព្រឹកថ្ងៃទី១០ ខែកញ្ញា ឆ្នាំ២០១៤ វិទ្យាល័យមោងឫស្សី ស្ថិតក្នុងក្រុមទី១ ភូមិពោធិ៍២ ឃុំគារស្រុកមោងឫស្សីមានការភ្ញាក់ផ្អើលដោយយុវជនម្នាក់ជាព្រូរថយន្តក្រុងយកខ្សែភ្លើងចងកស្លាប់ខ្លួននិងធ្នឹមនៅក្នុងបន្ទប់រៀនកាត់ដេរមូលហេតុតូចចិត្តសង្សារបែកចិត្តនិងត្រូវថៅកែដេញចោល ។
លោក ហឹងមុន្នីនាយនគរបាលផ្នែកព្រហ្មទ័ណ្ឌស្រុកមោងឫស្សី បានឲ្យដឹងថាយុវជនរងគ្រោះដែលបានចងកសម្លាប់ខ្លួន មានឈ្មោះរ៉ា សំណាង អាយុ ២២ឆ្នាំមុខរបរ ព្រូរថយន្តក្រុង រស់នៅភូមិថ្នល់បំបែក ឃុំត្រពាំងឫស្សីស្រុកកំពង់ស្វាយ ខេត្តកំពង់ធំ។វត្ថុតាងប្រើខ្សែភ្លើង ចងទៅនិងធ្នឹមខាងលើ ផុតពីដី ។ ស្ត្រីសង្សារជាអ្នកលក់សំបុត្ររថយ្តក្រុងនៅស្រុកមោងឬស្សីខេត្តបាត់ដំបង។
បើតាមប្រជាពលរដ្ឋ នៅមូលដ្ឋានជិតកន្លែងកើតហេតុ បានប្រាប់សមត្ថកិច្ចថាជនរងគ្រោះនេះ ពេលរថយន្តធ្លាប់ឈប់ចតនៅស្រុកមោងឫស្សី ជាញឹកញាប់ក៏ស្គាល់ស្រីម្នាក់ជាអ្នកលក់សំបុត្ររថយ្តក្រុងយកធ្វើជាសង្សារ(មិនស្គាល់ឈ្មោះ )។ ក្រោយមកឮសូរថាយុវជនរងគ្រោះឈ្លោះប្រកែកបែកផ្លូវគ្នាជាមួយស្រីស្នេហ៍ ម្យ៉ាងទៀត មិនដឹងថាមានកំហុសអី្វត្រូវក្រុមហ៊ុនដេញចេញ មិនឲ្យធ្វើការបន្តទៀត បានរយៈពេលប្រហែល១សប្តាហ៍មកហើយ។លុះព្រឹកថ្ងៃកើតហេតុ ស្រាប់តែឮសូរសមត្ថកិច្ចនិង នាយកវិទ្យាល័យមោងឫស្សីប្រាប់ថា យុវជនរូបនេះបានចងកសម្លាប់ខ្លួនក្នុងអគារ កាត់ដេរG បន្ទប់លេខ៣៨។
ក្រោយពីសមត្ថកិច្ច ចម្រុះពិនិត្យនិងធ្វើកោសល្យវិច័យហើយ បានអោយដឹងថា សពយុវជនមិនដឹងចងកស្លាប់ពីពេលណាមកទេ សន្និដ្ឋានថា ជនរងគ្រោះពិតជាធ្វើអត្តឃាត ដោយចងកសកម្លាប់ខ្លួនឯងពិតប្រាកដមែន និងបានប្រគល់សពជនរងគ្រោះ ឲ្យទៅសាច់ញាតិ ដឹកយកទៅស្រុកកំណើត ធ្វើបុណ្យតាមប្រពៃណី ៕
