ខេត្តឧត្តរមានជ័យ៖ កម្លាំងនគរបាលស្រុកបន្ទាយអំពិល សហការណ៍ជាមួយប៉ុស្តិ៍ អំពិលចុះល្បាតឃាត់ខ្លួនជនសង្ស័យ ម្នាក់និងដកហូតថ្នាំញៀនយ៉ាម៉ាចំនួន៦០ គ្រាប់ កាលវេលាម៉ោង ១៧ និង១២ នាទី ថ្ងៃទី១២ ខែកុម្ភៈ ឆ្នាំ ២០១៧ នៅចំណុចផ្លូវបំបែកជាបី ស្ថិតនៅភូមិត្រុំ ឃុំអំពិល ស្រុកបន្ទាយអំពិល ខេត្តឧត្តរមានជ័យ។
លោកវរសេនីយ៍ត្រី ឃុល ភិន អធិការរងទទួលផែនយុត្តិធម៌ ដឹកនាំកម្លាំង សហការណ៍ជាមួយលោកអនុសេនីយ៍ទោ ដៀប សារឿន នាយប៉ុស្ថិ៍ ចុះល្បាតក្នុងភូមិឃុំអំពិល បានធ្វើការឃាត់ខ្លួនជនសង្ស័យម្នាក់ពាក់ព័ន្ធករណីចែកចាយ និងប្រើប្រាស់នូវសារធាតុគ្រឿងញៀនមួយករណី នៅចំណុចផ្លូវបំបែកជាបី ស្ថិតនៅភូមិត្រុំ ឃុំអំពិល ស្រុកបន្ទាយអំពិលក្នុងនោះ បានធ្វើកាឃាត់ខ្លួនជនសង្ស័យម្នាក់មានឈ្មោះ អ៉ីន នឿត ភេទប្រុស អាយុ១៨ ឆ្នាំ រស់នៅភូមិល្បើករិទ្ធ ឃុំអំពិល ស្រុកបន្ទាយអំពិល ។
វត្ថុតាងឆែកឆេរដកហូតបានរួមាន ៖ ថ្នាំញៀនមេតំហ្វេតាមីនWYចំនួន៦០ គ្រាប់ទូរស័ព្ទដៃ ចំនួន ០២ គ្រឿង ម៉ូតូ ចំនួន ០១ គ្រឿង
បច្ចុប្បន្ន កំពុងសាកសួរ និងកសាងសុំណុំរឿងតាមនិតិវិធី ៕
