ខេត្តបាត់ដំបង៖ ឆ្លងចរន្តអគ្គីសនី ផ្ទុះសេខ្សែភ្លើងឆេះផ្ទះ១ខ្នង ធ្វើអំពីឈើប្រក់ស័ង្កសី បំផ្លាញការ ខូចខាតគិតជាទឹកប្រាក់អស់៧០០០ដុល្លា កាលពីវេលាម៉ោង៣និង៥០នាទីរសៀលថ្ងៃទី១២ខែកុម្ភ:ឆ្នាំ២០១៧ ស្ថិតក្នងក្រុមទី៧ភូមិរំចេក២សង្កាត់រតន: ក្រុងបាត់ដំបង ខេត្តបាត់ដំបង។
ក្នុងហេតុការណ៍អគ្គីភ័យឆេះនេះ រថយន្តអគ្គីភ័យ របស់ ស្នងការរដ្ឋាននគរបាលខេត្តបាត់ដំបង ប្រើប្រាស់ទឹក ចំនួន៣រថយន្ដ ប៉ុន្តែ ដោយសារផ្លូវឆ្ងាយ កម្លាំងភ្លើងឆេះខ្លាំង បណ្ដាលឲ្យអគ្គីភ័យនេះឆេះបំផ្លាញផ្ទះទាំងស្រុង។
សមត្ថកិច្ចនគរបាលក្រុងបាត់ដំបងអោយដឹងថា មានករណីឆេះផ្ទះមួយខ្នងធ្វើអំពីឈើប្រក់ស័ង្កសីទំហំ៨គុណ១២ម៉ែត្ររបស់ឈ្មោះ ប៊ុន បេលេក ភេទប្រុសអាយុ៥៦ឆ្នាំស្ថិតក្នងក្រុមទី៧ភូមិរំចេក២សង្កាត់រតន: ក្រុងបាត់ដំបង ខេត្តបាត់ដំបង។
សម្ភារ:បាត់បង់រួមមាន: 1/ផ្ទះមួយខ្នងទំហំ៨គុណ១២ម៉ែត្រធ្វើអំពីឈើប្រក់ស័ង្កសី។ 2/ប្លង់ដីចំនួន១សន្លឹក។ 3/ទូរទស្សចំនួន១គ្រឿង។ 4/កង់ជិះចំនួន១គ្រឿង។ទំហំខូចខាតគិតជាប្រាក់អស់ប្រហែល៧០០០ដុល្លា មូលហេតុ ឆ្លងចរន្តអគ្គីនី ។
ករណីគ្រោះអគ្គីភ័យនេះ រថយន្តអគ្គីភ័យ របស់ ស្នងការ ប្រើប្រាស់ទឹក ចំនួន៣រថយន្ដ ប៉ុន្តែ ដោយសារផ្លូវឆ្ងាយ កម្លាំងភ្លើងឆេះខ្លាំង បណ្ដាលឲ្យអគ្គីភ័យនេះឆេះទាំងស្រុង ៕
