ខេត្តឧត្តរមានជ័យ៖ លោក វរសេនីយ៍ទោ អិន កាយ អធិការនគរបាលស្រុកត្រពាំងប្រាសាទ ដឹកនាំកំលាំង១៤នាក់ចុះបង្ក្រាបករណីចែកចាយនិងប្រើប្រាស់នូវសារធាតុញៀន មួយករណី ឃាត់ខ្លួនមនុស្ស២នាក់ដកហូតថ្នាំញៀនម៉ាទឹកកក១៧កញ្ចប់និងសម្ភារ: មួយចំនួន កាល វេលាម៉ោង១១និង៣០នាទីព្រឹក ថ្ងៃទី១២ខែកុម្ភ: ឆ្នាំ២០១៧ នៅចំណុចភូមិថ្នលកែង ឃុំត្រពាំងប្រាសាទ ស្រុកត្រពាំងប្រាសាទ។
សមត្ថកិច្ចនគរបាល ស្រុកត្រពាំងប្រាសាទបានឲ្យដឹងថាការ ឃាត់ខ្លួនជនសង្ស័យចំនួន ២នាក់មាន ៖ ទី១ ឈ្មោះ វណ្ណ សីហា ភេទប្រុសអាយុ ១៩ឆ្នាំរស់នៅភូមិត្រពាំងប្រាសាទ ឃុំត្រពាំងប្រាសាទ ។ ទី២ឈ្មោះ ស៊ាន់ រតនា ភេទប្រុស អាយុ២១ឆ្នាំរស់នៅភូមិ ឃុំ ស្រុកត្រពាំងប្រាសាទជាមួយគ្នា។
វត្ថុតាងឆែកឆេរដកហូតបានរួមមាន ៖ ថ្នាំញៀនប្រភេទម៉ាទឹកកក(lCE) ចំនួន១១កញ្ជប់តូច និង៦កញ្ជប់ធំល្មម ទូរស័ព្ទដៃចំនួន ៦គ្រឿង លុយខ្មែរចំនួន១២៣០០០រៀល នាឡិការ ដៃ ១គ្រឿង មួកសុវត្ថិភាព ១ និងសំភារ:សម្រាប់ជក់មួយចំនួនទៀត។
បច្ចុប្បន្ន សមត្ថកិច្ចកំពុងសាកសួរ និងកសាងសុំណំរឿងតាមនិតិវិធី ៕
