ខេត្តបន្ទាយមានជ័យ៖ ជំទាវម៉ៅ មាល័យ កែ គឹមយ៉ាន ឧបនាយករដ្ឋមន្ត្រី ប្រយុទ្ធប្រឆាំងគ្រឿងញៀន និងជំទាវញ៉ែម សាខន ស ខេងសម្តេចក្រឡាហោម ឧបនាយករដ្ឋមន្ត្រីក្រសួងមហាផ្ទៃធ្វើបុណ្យរាប់បាត្រព្រះសង្ឃ៥០០អង្គ នៅប្រាសាទបន្ទាយឆ្មា ឧទ្ទិសមហាកុសលជូនបុព្វបុរស រាជវង្ស មេទ័ព ដែលបានពលីជីវិត ដើម្បីកសាងប្រាសាទនិងការពារទឹកដីកម្ពុជាអោយគង់វង្សមកដល់សព្វថ្ងៃ។
កម្មវិធីបុណ្យមានរយៈពេល២ថ្ងៃគឺចាប់ពីព្រឹកថ្ងៃទី១០រហូតដល់ថ្ងៃទី១១ខែកុម្ភៈឆ្នាំ២០១៧ នៅប្រាសាទបន្ទាយឆ្មារ ស្រុកថ្មពួក ខេត្តបន្ទាយមានជ័យ ។
ក្នុងកម្មវិធីបុណ្យមានការចូលរួមពីលោកជំទាវលោកឧកញ៉ា លោកអភិបាលខេត្ត លោកស្នងការ លោកមេបញ្ជាការអាវុធហត្ថខេត្ត មេបញ្ជាការសឹករង មេបញ្ជាការកងពល៥១ ប្រធានមន្ទីរ អនុប្រធានមន្ទីរជុំវិញខេត្ត មន្ត្រីរាជការគ្រប់បណ្តាលស្រុក សប្បុរសជន លោកគ្រូ អ្នកគ្រូ ប្រជាពលរដ្ឋនិងសិស្សានុសិស្សជាច្រើននាក់ទៀត។
នៅព្រឹកថ្ងៃ១៥កើតពេញបូណ៌មី ខែមាឃ ឆ្នាំវក អដ្ឋស័ក ព.ស ២៥៦០ត្រូវនឹង ថ្ងៃទី១១ខែកុម្ភៈឆ្នាំ២០១៧អវត្តមានជំទាវញ៉ែម សាខន ស ខេងសម្តេចក្រឡាហោម ឧបនាយករដ្ឋមន្ត្រី ក្រសួងមហាផ្ទៃដោយជំទាវជាប់រវល់ធ្វើបុណ្យនៅខេត្តព្រៃវែង។
នៅថ្ងៃទី១១ខែកុម្ភៈឆ្នាំ២០១៧សប្បុរសជនទាំងអស់បាន ធ្វើបុណ្យរាប់បាត្រព្រះសង្ឃចំនួន៥០០អង្គ ឧទ្ទឹសមហាកុសលជូនបុព្វបុរស រាជវង្ស មេទ័ព ដែលបានពលីជីវិតដើម្បីកសាងប្រាសាទនិងការពារទឹកដីកម្ពុជាអោយគង់វង្សមកដល់សព្វថ្ងៃ ក្រោមកំដៅថ្ងៃដោយទឹកមុខញញឹម និងសេចក្តីរីករាយ ព្រមទាំងបានដោះលែងសត្វស្លាបរាប់រយក្បាល ឲ្យមានសេរីភាពសុំសេចក្តីសុខសប្បាយដល់ក្រុមគ្រួសាររាងៗខ្លួននិងចែកអំណោយដល់សិស្សានុសិស្សផងដែរ ៕
