ខេត្តបាត់ដំបង៖ កម្លាំងអធិការដ្ឋាននគរបាល ស្រុកកំរៀង ចេញប្រតិបត្តិការបង្ក្រាប ករណីរក្សាទុកដឹកជញ្ជូនឬជួញដូរគ្រឿងញៀនហាមឃាត់ខុសច្បាប់ ១លើក ក្នុងបទល្មើសជាក់ស្តែង ឃាត់ខ្លួនបុរសម្នាក់និងថ្នាំញៀនយ៉ាម៉ា ២៧គ្រាប់ និងម៉ាទឹកកក ៧៨កញ្ចប់តូច កាលពីម៉ោង៩និង២០នាទីព្រឹក ថ្ងៃទី១០ខែកុម្ភៈ ឆ្នាំ២០១៧ នៅចំណុច ភូមិកម្រង់ ឃុំតាក្រី ស្រុកកំរៀង។
នគរបាលស្រុកកំរៀងបានឲ្យដឹងថា បុរសសង្ស័យដែលឃាត់ខ្លួនមានឈ្មោះ គុជ.ណុះ អាយុ៣៥ឆ្នាំ មាន ទីលំនៅភូមិមិកម្រង់ ឃុំតាក្រី ស្រុកកំរៀង ។ ជាលទ្ធផល សមត្ថកិច្ចបានដកហូតថ្នាំញៀនយ៉ាម៉ា ២៧គ្រាប់ និងថ្នាំញៀនម៉ាទឹកកក ៧៨កញ្ចប់តូច។
ចំពោះករណីនេះ សមត្ថកិច្ចកំពុងរៀបចំសំណុំរឿងបញ្ជូនទៅ តុលាការខេត្តបាត់ដំបង ដើម្បីចាត់ការតាមច្បាប់ ៕
