ខេត្តរតនគិរី ៖ លោក កែប កត់ នាយខណ្ឌរដ្ឋបាលព្រៃឈើ លោកថង សាវុន អភិបាលខេត្ត បើកដៃឲ្យឈ្មួញឈើប្រណិត ឈ្មោះ វ៉ៃ ដឹកញ្ជូនយ៉ាងអនាធិបតេយ្យតាមរថយន្តប្រភេទយីឌុប មិនមានវិធានការទប់ស្កាត់បណ្តាលឲ្យវិនាសហិនហោចព្រៃឈើនិងខូចខាតផ្លូវលំ ផ្លូវជាតិជាខ្លាំង។
មេឈ្មួញរកស៊ីដឹកឈើប្រណិតដុះស្លែ ឈ្មោះវ៉ៃបានប្រមូលឈើគ្រប់តំបន់ដូចជាចំណុចអូរល័ក្ស ស្រុកលំផាត់ ស្រុកកូនមុំ កន្លែងស្រុបឈើទៅពីខេត្តរតនគិរីនៅឆ្វេងដៃភូមិកាចូនឃុំកាចូនស្រុកវ៉ឺនសៃ និងឃ្លាំងស្តុបក្រោយហាកាឡាក់ស៊ី(ក្រុងបានលុង)។
ឈ្មោះ វ៉ៃ ដឹកឈើតាមរថយន្តកូរ៉េគ្របតង់ជិត និងដឹកតាមរថយន្តយីឌុបបដោយដាក់ដំឡូងមី ឬសណ្តែកពីលើទៅកាន់ប្រទេសវៀតណាម។
ទាំងប្រជាពលរដ្ឋនិងឈ្មួញឈើតូចតាចរិះគន់ថា ឈ្មោះវ៉ៃដឹកជញ្ជូនឈើបានរលូនដោយបង់ថវិការជូនលោកកែបកត់នាយខ័ណ្ឌរដ្ឋបាលព្រៃឈើរតនគិរីនិងលោកថងសាវុនអភិបាលខេត្តរតនគិរីរាប់ម៉ឺនដុល្លាទើបគ្មានការទប់ស្កាត់ បណ្តាលឲ្យផ្លូវខូចខាតក្រហ៊ីងក្រហូង ខាតបង់ថវិការជាតិរាប់ម៉ីនដុល្លាក្នុង១ឆ្នាំៗ។
មតិរិះគន់បានបញ្ជាក់ថា ឧកញ៉ាម្នាក់សុំច្បាប់ដឹកឈើបង់៣០ម៉ឺនដុល្លាក្នុង១ខែ លោកអភិបាលខេត្ត មិនអនុញាតឲ្យដឹកតាមរថយន្តកង់១០ទេ និយាយរួម មិនឲ្យដឹកអីវ៉ាន់ឬឈើធ្ងន់ទេ ប៉ុន្តែឈ្មោះ វ៉ៃ ដឹកឈើតាមរថយន្តប្រភេទយីឌុបកង់លើសពី១០ទៀត ធ្វើមើលមិនឃើញ ។
គួរបញ្ជាក់ផងដែរ ៖ កាលម៉ោងប្រហែល៣រសៀលថ្ងៃទី១ ខែកុម្ភ: ឆ្នាំ២០១៧ មានក្រុមឈ្មួញឈើបញ្ជាឲ្យវាយបំផ្លាញរថយន្តក្រុមអ្នកសារព័ត៌មាននិងមានបំណងមិនល្អមកលើក្រុមអ្នកយកព័ត៌មាន នៅចំណុចភូមិកាចូន ឃុំកាចូនស្រុកវ៉ឺនសៃ អាចពាក់ព័ន្ធឈ្មួញឈ្មោះវ៉ៃ ផងក៏មិនដឹង ព្រោះកន្លែងស្តុបឈើឈ្មោះ វ៉ៃ ក៏មាននៅចំណុចគ្រោះថ្នាក់នេះដែរ។
ប្រសិនអស់លោកមិនពាក់ព័ន្ធឬអនុវត្តតាមប្រមុខរាជរដ្ឋាភិបាល (សម្តេចតេជោ ហ៊ុន សែន) គួរតែបង្ក្រាបតាមទីតាំង និងចំណុចឈើរបស់ឈ្មោះវ៉ៃ ដែលប្រជាពលរដ្ឋរាយការណ៍តាមរយ:សារព័ត៌មានចុះផ្សាយនេះ ៕
