ខេត្តឧត្តរមានជ័យ ៖ កម្លាំងនគរបាលស្រុកអន្លង់វែង បង្ក្រាបក្មេងទំនើង១ក្រុមមានគ្នា៣នាក់ ជិះម៉ូតូ២គ្រឿង មានដាវសាមម៉ារ៉ៃ ២ដើម ឈប់ច្រង៉េងច្រង៉ាង ចំណុចមុខសេវ៉ែនសេវ៉ែនម៉ាត កាលវេលាម៉ោង២៣យប់ថ្ងៃទី ០៨ ខែកុម្ភៈ ឆ្នាំ២០១៧ ស្ថិតនៅភូមិអូរជញ្ជៀន ឃុំ-ស្រុកអន្លង់វែង ។
ក្រុមក្មេងទំនើងដែលបង្ក្រាបបាន៣នាក់ មានឈ្មោះ ៖ ១-ឈ្មោះ មិន តុលា ភេទប្រុស អាយុ១៨ឆ្នាំ ២-ឈ្មោះ យ៉ម តាប់ ភេទប្រុសអាយុ១៩ឆ្នាំ ៣-ឈ្មោះ ថន ជា ភេទប្រុស អាយុ២២ឆ្នាំ អ្នកទាំងបី រស់នៅភូមិទួលស្វាយសែនជ័យ ឃុំត្រពាំងតាវ ស្រុកអន្លវែង មុខរបរជាទាហាន កងពលវរសេនាតូច៤១១ ។
ក្នុងនោះបានធ្វើការដកហូត ម៉ូតូ០២គ្រឿង ៖ ម៉ូតូម៉ាកសង់ សេរី២០០២ ព៌ណខ្មៅ
គ្មានស្លាកលេខ ម៉ូតូម៉ាកវ៉េវ x សេរី២០១២ ព៌ណខ្មៅ គ្មានស្លាកលេខ និងដាវសាមម៉ារ៉ៃ ២ដើមប្រវែង ០,៥ម ។
បច្ចុប្បន្នសមត្ថកិច្ចកំពុងធ្វើការអប់រំនិងឲ្យអាណាព្យាបាលចូលខ្លួនមកធានារួចទើបអនុញ្ញាតឲ្យត្រឡប់ទៅផ្ទះវិញ ៕]
