ខេត្តរតនគិរី៖ កាលព្រឹកថ្ងៃទី ០៨ ខែ កុម្ភ: ឆ្នាំ ២០១៧ ឯកឧត្តម ឧត្តមសេនីយ៍ឯក សៀក សុជាតិ នាយកទីចាត់ការ ការពារព្រំដែន អគ្គបញ្ជាការនៃ កងយោធពលខេមភូមិន្ទ និងឯកឧត្តម ថង សាវុន អភិបាលខេត្តរតនគិរី អញ្ជើញពិនិត្យ ការងារ ឈូសឆាយ ស្ថបនាផ្លូវ តាមខ្សែក្រវ៉ាត់ ព្រំដែនកម្ពុជា វៀតណាម (ខេត្តរតនគិរីនិងខេត្តយ៉ាឡាយ)។
ឯកឧត្តម សៀក សុជាតិ មានប្រសាសថា រាជរដ្ឋាភិបាលកម្ពុជា ក្រោមការ ដឹកនាំរបស់ សម្តេចអគ្គមហាសេនាបតីតេជោ ហ៊ុន សែន តែងតែគិតគូរជានិច្ច ចំពោះការ អភិវឌ្ឍន៍តាមតំបន់ព្រំដែន ដើម្បីប្រែក្លាយ តំបន់ព្រំដែនអោយ ទៅជាព្រំដែន សន្តិភាព មិត្តភាព និងការអភិឌ្ឍន៍ ។ ជាក់ស្តែងការឈូសឆាយ ស្ថាបនា ផ្លូវ តាមបណ្តោយព្រំដែន ខេត្តរតនគិរី នៃព្រះរាជាណាចក្រកម្ពុជា និងខេត្តយ៉ាឡាយ នៃសាធារណៈរដ្ឋសង្គមនិយម វៀតណាម ពីចំណុច បង្គោលព្រំដែន លេខ ៣០ ឆ្ពោះទៅតំបន់ មុំបី កន្ទុយនាគ ។
ឯកឧត្តមបន្តថា ផ្លូវនេះស្ថាបនា ឈូសឆាយ ដោយកងវិស្វៈកម្ម នៃកងយោធពល ខេមរៈភូមិន្ទ បច្ចុប្បន្នឈូសឆាយត្រាសសេ បើកផ្លូវបានប្រវែង ២៧ គីឡូម៉ែត្រ ហើយ នឹងបន្តធ្វើការឈូសឆាយអោយដល់ តំបន់មុំបី កន្ទុយនាគ តាមផែនការ ។
ឯកឧត្តម ឧត្តមសេនីយ៍ឯក សៀក សុជាតិ លើកឡើងថា ផ្លូវនេះជំហានដំបូង គឺយើង ធ្វើការក្រាលគ្រួសក្រហម សិន ហើយនឹងឈានទៅក្រាលបេតុង ឬក្រាលកៅស៊ូតែម្តង នាពេលអនាគត់ ពីព្រោះផ្លូវក្រវ៉ាត់ខ្សែព្រំដែន ជាផ្លូវយុទ្ធសាស្ត្រ សម្រាប់ការពារ បូរណៈភាពទឹកដី ក៍ដូចជា បំរើដល់ផលប្រយោជន៍ របស់ប្រជាពលរដ្ឋដែលរស់នៅតាមតំបន់ព្រំដែនផងដែរ ៕
