បន្ទាយមានជ័យ៖ កិច្ចប្រជុំរវាងការិយាល័យBLO រវាងអជ្ញាធរខេត្តបន្ទាយមានជ័យភាគីកម្ពុជានិងភាគីថៃខេត្តស្រះកែវ ក្នុងកិច្ច សហប្រតិបត្តិការគ្នាពង្រឹងនិងទប់ស្កាត់បទល្មើសគ្រឿងញៀនឆ្លងដែននិងជួញដូរមនុស្ស អាវុធនិងទំនិញគេចពន្ធដោយខុសច្បាប់តាមបន្ទាត់ព្រំដែននៃប្រទេសទាំង២ កាលថ្ងៃទី០៦ខែកុម្ភ:ឆ្នាំ២០១៧នៅសាលប្រជុំសាលាខេត្តបន្ទាយមានជ័យ។
ក្នុងកិច្ចប្រជុំលោក ថាប់ម៉ាសាក់ រតនាផាន់យ៉ា អភិបាលរងខេត្តស្រះកែវប្រទេសថៃបានមានប្រសាសន៍ថា ៖ កិច្ចប្រជុំពង្រឹងកិច្ចសហប្រតិបត្តិការរវាងការិយាល័យBLOប្រទេសកម្ពុជាខេត្តបន្ទាយមានជ័យនិងប្រទេសថៃមានខេត្តស្រះកែវរយះពេលកន្លងមកបានសហប្រតិបត្តិគ្នាបានល្អការទប់ស្កាត់បទល្មើសគ្រឿងញៀនតាមបន្ទាត់ព្រំដែនរវាងខេត្តបន្ទាយមានជ័យនិងខេត្តស្រះកែវ។
លោកបានសំណូមពរដល់ប្រធានការិយាល័យទំនាក់ទំនងព្រំដែនថៃនិងកម្ពុជាត្រូវសហការសម្របសម្រួលការងារបន្ថែមជាមួយគម្រោងអនុតំបន់ស្តីពីភាពជាដៃគូ នៃមន្ត្រីអនុវត្តច្បាប់ក្នុងតំបន់ប្រឆាំងនឹងឧក្រិដ្ឋកម្មឆ្លងដែន។
លោក អ៊ុំ រាត្រី អភិបាលរងខេត្តនិងជាប្រធានប្រធានការិយាល័យទំនាក់ទំនង ព្រំដែនBLOខេត្តបន្ទាយមានជ័យបានមានប្រសាសន៍ថា៖ខេត្តបន្ទាយមានជ័យសេចក្តីសម្រេចស្តីពីការកែសម្រួលប្រការ១និងប្រការ២ស្តីពីការកែសម្រួលសមាសភាពតួនាទីនិងភារកិច្ចការរិយាល័យទំនាក់ទំនងព្រំដែនប៉ោយប៉ែតដែលមានសមាភាពចំនួន៣០រូបដែលមានប្រធាន១រូបនិងអនុប្រធាន៧រូបនិងសមាជិកចំនួន២៣រូបក្នុងនោះមានអភិបាលរងខេត្ត១រូបនិងអភិបាលស្រុក/ក្រុងជាប់ជាយដែនចំនួន៥រូបនិងមានមន្ត្រីស្ថាប័នសមត្តកិច្ចពាក់ព័ន្ធចំនួន២៤រូប។
លោកបានមានប្រសាសន៍ថា ៖ កិច្ចសហប្រតិបត្តិការនិងសម្របសម្រួលវិធានការប្រយុទ្ធប្រឆាំងគ្រឿងញៀន ជាមួយការិយាល័យទំនាក់ទំនងព្រំដែនប្រទេសកម្ពុជា.ថៃដែលមានព្រំប្រទល់ជាប់គ្នាដើម្បីធ្វើកិច្ចសហប្រតិបត្តិការអប់រំផ្សព្វផ្សាយបង្កាទប់ស្កាត់បញ្ហាគ្រឿងញៀនតាមព្រំដែននិងធ្វើការផ្លាស់ប្តូរព័ត៌មានតាមបន្ទាត់ព្រំដែនរាល់បញ្ហាដែលពាក់ព័ន្ធនឹងការដាំដុះ ការផលិត ការចរាចរ ការជួញដូរ ការប្រើបំពានគ្រឿងញៀននិងការចរាចរសារធាតុគីមីផ្សំ។
លោក អ៊ុំ រាត្រី បានសំណូមពរដល់ការិយាល័យទំនាក់ទំនងព្រំដែនប្រទេសកម្ពុជា.ថៃត្រូវតែបង្កើនការសហប្រតិបត្តិការគ្នាអោយបានល្អ ដើម្បីពង្រឹងនិងទប់ស្កាត់បទល្មើសគ្រឿងញៀនឆ្លងដែននិងជួញដូរមនុស្ស អាវុធ និងទំនិញគេចពន្ធដោយខុសច្បាប់តាមបន្ទាត់ព្រំដែនត្រូវមានវិធានការទប់ស្កាត់និងលុបបំបាត់ឲ្យបាន៕
