ខេត្តបន្ទាយមានជ័យ ៖ លោកវរៈសេនីយ៍ឯកសប៊ុនសឿង មេបញ្ញាការងកងរាជអាវុធហត្ថខេត្តបន្ទាយមានជ័យទទួលបន្ទុកផ្នែកគ្រឿងញៀន លោកវរះសេនីយ៍ទោ ធៀបភក្តីប្រធានមន្ទីរបច្ចេកទេសសន្តិសុខទទួលបន្ទុកការងារអប់រំស្តារនិតិសម្បទាអ្នកគ្រឿងញៀននិងមន្ត្រីអាវុធហត្ថអមដំណើរជាច្រើននាក់ទៀត បានបើកយុទ្ធនាការការចុះផ្សព្វផ្សាយអប់រំអំពីបញ្ហាគ្រឿងញៀនដល់សិស្សវិទ្យាល័យសិរីសោភ័ណ ក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យដែលមានលោកគ្រូ អ្នកគ្រូ និងសិស្សានុសិស្សចំនួនជិត១.០០០នាក់ នៅព្រឹកថ្ងៃទី៦ខែកុម្ភ:ឆ្នាំ២០១៧។
លោក ស ប៊ុនសឿង បានមានប្រសាសន៍ក្នុងពិធីចុះផ្សព្វផ្សាយអប់រំអំពីបញ្ហាគ្រឿងញៀនដល់សិស្សនោះថាថ្ងៃនេះលោកបានចុះមកវិទ្យាល័យសិរីសោភ័ណដើម្បីធ្វើការផ្សព្វផ្សាយដល់សិស្សានុសិស្សអំពីបញ្ហាគ្រឿងញៀន ក្រោមប្រធានបទ “ឆ្លើយថាទេចំពោះគ្រឿងញៀន” ។
លោក ស ប៊ុនសឿង បានបញ្ជាក់ទៀតថា ដោយមានការណែនាំនិងយកចិត្តទុកដាក់ ខ្ពស់ពីសំណាក់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនក៏ដូចបទបញ្ជារបស់ ឯកឧត្តម នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងលោឧត្តមសេនីយ៍ត្រីឱបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យ បានឲ្យកម្លាំងអាវុធហត្ថប្រឆាំងបទល្មើសគ្រឿងញៀនខេត្តបន្ទាយមានជ័យត្រូវចុះអនុវត្តណែនាំអំពីផលប៉ះពាល់នៃគ្រឿងញៀនដល់ប្អូនៗ ក្មួយៗ សិស្សានុសិស្សតាមសាលារៀន តាមវិទ្យាល័យនិងតាមមូលដ្ឋានផងដែរ ។
លោក ស ប៊ុនសឿង បានបញ្ជាក់ទៀតថា ការចុះផ្សព្វផ្សាយដល់សិស្សានុសិស្សនៅតាមវិទ្យាល័យនេះមានរយៈពេល៦ខែគឺមានគោលបំណងចង់ឲ្យសិស្សានុសិស្សទាំងអស់បានយល់ឲ្យកាន់តែច្បាស់អំពីវិបត្តិ នៃការប្រើប្រាស់គ្រឿងញៀនដូចជាសិស្សណាដែលបានជក់គ្រឿងញៀនហើយត្រូវជួបនិងការបាត់បង់ថវិការ ខូចសុខភាព ព្រាត់ប្រាស់មិត្តភ័ក្តម្តាយឪពុក ខូចសុខភាពនិងរាងកាយ ខូចសរសៃប្រាសាទ បាត់ការបងចាំ គេចសាលា ប្រើអំពើហឹង្សាក្នុងគ្រួសារ និងមិតភ័ក្ត នៅទីបញ្ចប់គឺឆ្លងជម្ងឺគ្រប់មុខស្លាប់ដោយមិនអាចគេចបានឡើយ ។
លោក ស ប៊ុនសឿង បានបញ្ជាក់ទៀតថា ការផ្សព្វផ្សាយច្បាប់គ្រឿងញៀននេះដែរគឺដើម្បីឲ្យអាជ្ញាធរកម្លាំងមានសមត្ថកិច្ចលោកគ្រូ អ្នកគ្រូត្រូវចូលសហការគ្នាដើម្បីទប់ស្កាត់និងលុបបំបាត់នៅបទល្មើសគ្រឿងញៀនមានការជួញដូរ និងចែកចាយ ប្រើប្រាស់គ្រឿងញៀន មិនឲ្យមានក្នុងមូលដ្ឋានជាដាច់ខាត ។
លោក ស ប៊ុនសឿង បានសំណូមពរឲ្យលោកគ្រូ អ្នកគ្រូ ត្រូវបញ្ជូលការអប់រំផ្សព្វផ្សាយច្បាប់គ្រឿងញៀនឲ្យដល់សិស្សានុសិស្សាបានយល់ដឹងច្បាស់និងរួមលុបបំបាត់គ្រឿងញៀនទាំងស្រុង ក្នុងភូមិ ឃុំ មានសុវត្ថិភាព។លោកសប៊ុនសឿងបានសង្គត់ធ្ងន់ៗថា បើលោកគ្រូ អ្នកគ្រូ ប្អូនសិស្សានុសិស្ស ប្រជាពលរដ្ឋ ណាម្នាក់ប្រទះឃើញការលួចលាក់និងចែកចាយ ជួញដូរ គ្រឿងញៀន ប្រើប្រាស់កន្លែងណាត្រូវរាយការណ៍ជាបន្ទាន់ដល់អាជ្ញាធរមូលដ្ឋាន ឫ អាវុធហត្ថដែលនៅក្បែរយើង តាមរយះលេខទូរស័ព្ទលោក០១២ ៣៦០៦០៦ និង០១៦ ៣៦០៦០៦៕
