ខេត្តឧត្តរមានជ័យ ៖ លោកជំទាវ ហ៊ុន ម៉ាណា កូនស្រីរបស់សម្តេចអគ្គមហាសេនាបតីតេជោហ៊ុន សែន និងឯកឧត្តម ស ថាវី អភិបាលនៃគណៈអភិបាលខេត្ត និង ឯកឧត្តមយឹមធិនប្រធានក្រុមប្រឹក្សាខេត្ត បានអញ្ចើញមកចូលរួមជាកិត្តិយស បានដឹកនាំក្រុមគ្រូពេទ្យវេជ្ជសាស្ត្រសម្តេចតេជោ គ្រប់ទីកន្លែងដើម្បីសួរសុខទុកសុខភាពប្រជាជន ពិនិត្យព្យាបាលជំង្ងឺដោយឥតគិតថ្លៃ ជូនគ្រួសារកងទព័ក្នុងកងពល៤២ កាលថ្ងៃទីថ្ងៃទី ៥ ខែ កុម្ភៈ ឆ្នាំ ២០១៧ នៅគិលានដ្ឋានប្រសាទតាមន្ត ភូមិតាមន្តសែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជយ័។ ដោយមានការសម្របសម្រួលពីឯកឧត្តមឧត្តមសេនីទោប៉ែន វ៉ូយមេបញ្ជាការកងពលតូចថ្មើរជើងលេខ៤២។
នៅក្នុងនេះ ដោយមានគ្រួសារកងទព័ដែលបានអញ្ចើញចូលរួមក្នុងការពិនិត្យនិងព្យាបាលជំងឺនាពេលនេះ មានចំនួនជាង១០០០នាក់ ដែលម្នាក់អាចទទួលបាននូវសេវាដូចតទៅ
1- ពិនិត្យជំជឺទូទៅ 2- ពិនិត្យអេកូសាស្ត្រ 3- ពិនិត្យរោគស្ត្រី 4- ពិនិត្យនិងព្យាបាលមាត់ធ្មេញ 5- ផ្នែកវះកាត់តូច ។
នៅក្នុងពិធីខាងលើនេះដែរ មានការចែកជូនវ៉ែនតាសំរាប់មនុស្សចាស់មើលអក្សរដោយឥតគិតថ្លៃមានចំនួន៣០០វ៉ែនតា និង រទេះសំរាប់ជនពិការចំនួន២០គ្រឿង ស្បែកជើងផ្ទាត់ កាបូបក្មេងៗសិស្សានុសិស្ស មានសារ៉ុង មានអាវយឺត ចែកជូនដល់ជនពិការ ចាស់ជរា ស្ត្រីម៉េម៉ាយ និង កុមារកំព្រា ។ ថ្ងៃនេះសំរាប់បងប្អូន និង ក្មេងៗត្រូវបានទទួលដោយអាហារពេញ1ថ្ងៃ មាននំបញ្ចុកសំលការី សំលខ្មែរ នំបុង្គ័ ភេសជ្ជៈនិងទឹកបរិសុទ្ធទទួលទានតាមតម្រូវការ ៕
