ខេត្តបន្ទាយមានជ័យ ៖ កងរាជអាវុធហត្ថក្រុងសិរីសោភ័ណបញ្ជូនបុរសម្នាក់ជាចោរប្លន់ទូរស័ព្ទដៃ Phone៧plus ទៅតុលាការនិងប្រគល់ទូរស័ព្ទឲ្យម្ចាស់ដើមវិញ នៅថ្ងៃទី៥ខែកុម្ភៈឆ្នាំ២០១៧។
គួរបញ្ជាក់ ៖ បុរសសង្ស័យម្នាក់ជាចោរចូលហាងកែសម្ផស្សម៉ាក យីហោរឆវី វាយ ប្រតាយប្រតប់ជាមួយម្ចាស់ហាងប្លន់ យកទូរស័ព្ទPhone៧plus១គ្រឿង គេចខ្លួនបាត់ នៅវេលាម៉ោង៥ព្រឹកថ្ងៃទី៤ខែកុម្ភៈឆ្នាំ២០១៧ នៅ ស្ថិតក្នុងភូមិ ៣សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
លុះម៉ោង៩យប់ថ្ងៃដដែល ត្រូវកម្លាំង កងរាជអាវុធហត្ថក្រុងសិរីសោភ័ណស្រាវជ្រាវកំណត់មុខសញ្ញាបង្ក្រាប ឃាត់ខ្លួនជនសង្ស័យបានពេលកំពុងជិះម៉ូតូ នៅវេលាម៉ោង៩យប់ ត្រង់ផ្លូវបែកជា៤ផ្លូវសៀមរាប ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោកវរៈសេនីយ៍ត្រី ភឿក ព្រហ្ម មេបញ្ជាការមូដ្ឋានកងរាជអាវុធហត្ថក្រុងសិរីសោភ័ណបានប្រាប់ឲ្យដឹងថាជនរងគ្រោះជាម្ចាស់ហាងមានឈ្មោះអ៊ាងឆវី ស្រីអាយុ ៣០ ឆ្នាំ រស់ភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ ទូរស័ព្ទដែលចោរវាយប្លន់យកម៉ាក Phone៧plus ដែលមានតំលៃជាង១.០០០ដុល្លារ។
ចំណែកបុរសសង្ស័យមានឈ្មោះ សុខ ណាត អាយុ៣៣ឆ្នាំមុខរបរមិនពិតប្រាកដ រស់នៅក្នុងភូមិភ្ញាជ័យ សង្កាត់ចក ក្រុងសៀមរាប ខេត្តសៀមរាប។
ជនសង្ស័យបានឆ្លើយ សារភាព ថាខ្លួនគេបានជិះម៉ូតូចេញពីខេត្តសៀមរាមកលេង នៅខេត្តបន្ទាយមានជ័យ លុះនៅព្រឹកថ្ងៃកើតហេតុខ្លួនបានជិះម៉ូតូមកដល់ចំណុចហាងកែសម្ផស្សម៉ាកយីហោរ ឆវី បានឃើញទូរស័ព្ទដែលតំលៃជាង១.០០០ដុល្លា ទុកចោលក្នុងផ្ទះ ។ ឱកាសល្អក៏ចូលទៅយក ពេលនោះម្ចាស់ហាងបានធ្វើការសួរនាំក៏ប្រតាយប្រតប់ជាជាមួយគ្នាដោយសារតែកំលាំងមនុស្សស្រីខ្សោយ ខ្លួនបានច្រានដួលហើយយកទូរស័ព្ទចេញទៅបាត់ ។ លុះនៅម៉ោង៩យប់ ខ្លួនបានធ្វើដំណើរទៅផ្ទះនៅខេត្តសៀមរាបក៏ត្រូវសមត្ថកិច្ចចាប់ឃាត់ខ្លួនបានតែម្តង ៕
