ខេត្តឧត្តមានជ័យ ៖ កាល ថ្ងៃទី៤ ខែកុម្ភ: ឆ្នាំ២០១៧ សមត្ថកិច្ចចម្រុះបង្ក្រាបទីតាំងឈើគ្រញូងឈ្មោះ ខ្វៀង ធីម៉ៃ ហៅយាយម៉ាយ ជនជាតិវៀតណាម និងដកហូតឈើជាង២តោន ស្ថិតនៅភូមិអភិវឌ្ឍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
កម្លាំងសមត្ថកិច្ចចុះបង្ក្រាបមាន កំលាំងរដ្ឋបាលព្រៃឈើ និង កំលាំងនគរបាលអន្តរាគមន៍ ដឹកនាំដោយលោកសោ សុភក្រ័ព្រះរាជអាជ្ញារងអមសាលាដំបូងខេត្តឧត្តរមានជ័យ លោកសុី សុឃាង ប្រធានមន្ទីរកសិកម្ម រុក្ខាប្រមាញ់ និង នេសាទ លោកហង្ស បូរ ស្នងការរងនគបាលខេត្តឧត្តរមានជ័យ ទទួលបន្ទុកការងារព្រំដែន បានសហការណ៌ចុះប្រតិបត្តិការបង្ក្រាបបទល្មើសឈើក្រញូង ទីតាំងរបស់ឈ្មួញឈ្មោះខ្វៀងធីម៉ៃហៅយាយម៉ាយ ជនជាតិវៀតណាម ដោយធ្វើការរឹបអូសបានឈើក្រញូងសរុបជាង២តោន និង ម៉ាស៊ីនថាសច្រៀកឈើចំនួន៣គ្រឿង យកទៅរក្សាទុកនៅរដ្ឋបាលព្រៃឈើខេត្តឧត្តរមានជ័យដលម្បីរៀបចំកសាងសំណុំរឿងបញ្ជូនទៅតុលាការចាត់ការតាមនិតិវិធី។
ឯកឧត្តម ស ថាវី អភិបាលនៃគណៈអភិបាលខេត្តឧត្តមានជ័័យមានការសប្បាយចិត្តណាស់ និងបានកោតសសើរដល់មន្ត្រីទាំងអស់ដែលបានសហការណ៌គ្នាក្នុងបង្ក្រាបផ្ទះមេឈ្មួញរកស៊ីជួញឈើប្រណិតដុះស្លែរនេះ បានសម្រេចជាស្ថាពរ ៕
