ខេត្តបាត់ដំបង ៖ ឪពុករិរិច្ឆានបើកទូស័ព្ទដៃមើលរឿងស៊ិច កើតចំណង់ ប៉ុនប៉ងរំលោភសេពសន្ថវៈកូនបង្កើតខ្លួនឯង ត្រូវប្រពន្ធមកទាន់ ប្តឹងឃាត់ខ្លួនបញ្ជូនទៅតុលាការ ប្រព្រឹត្តកាលម៉ោង៨យប់ថ្ងៃទី២៦ ខែមករា ឆ្នាំ ២០១៧ នៅនឹងផ្ទះរបស់ខ្លួន ភូមិបុស្សស្អំ ឃុំបួរ ស្រុកភ្នំព្រឹក ខេត្តបាត់ដំបង ។
សមត្ថកិច្ចនគរបាលឲ្យដឹងថា វេលាម៉ោង៩ព្រឹក ថ្ងៃទី២៧ ខែមករា ឆ្នាំ២០១៧ នៅប៉ុស្តិ៍នគរបាលរដ្ឋបាលបួរ សមត្តកិច្ចយើងបានទទួលពាក្យបណ្តឹងពីឈ្មោះ ស៊ុយ សាវ័ន្ត ភេទស្រី អាយុ៣១ឆ្នាំ រស់នៅភូមិបុស្សស្អំ ឃុំបួរ ស្រុកភ្នំព្រឹក ខេត្តបាត់ដំបង បានមកប្តឹងពីឈ្មោះ ហេង ម៉ាប់ ភេទប្រុស អាយុ៤៥ឆ្នាំ ដែលត្រូវជាប្តីរបស់ខ្លួន ពីករណីប៉ុនប៉ងរំលោភសេពសន្ថវៈកូនស្រីខ្លួនឯង ឈ្មោះ ស ណ អាយុ០៩ឆ្នាំ នៅថ្ងៃដដែល សមត្ថកិច្ចយើងបានឃាត់ខ្លួនជនសង្ស័យខាងលើសួរនាំ ថាខ្លួនពិតជាបានប៉ុនប៉ងរំលោភសេពសន្ថវៈកូនខ្លួនឯងពិតប្រាកដមែន។
ករណីនេះ សមត្ថកិច្ចយើងកំពុងកសាងសំណុំរឿងបញ្ជូនខ្លួនជនសង្ស័យទៅសាលាដំបូងខេត្តបាត់ដំបងដើម្បីផ្តន្ទាទោសតាមច្បាប់ ៕
