ខេត្តព្រះវិហារ ៖ រថយន្ដកាម៉ារីស្វិតពណ៌សគ្មានស្លាកលេខ ដឹកឈើក្រញូង ពេលដឹងខ្លួនមុនមានកំលាំងសមត្ថកិច្ចជំនាញរដ្ឋបាលព្រៃឈើបើករថយន្ដេញពីក្រោយ បានទំលាក់ ឈើក្រញូងចូលព្រៃនៅម្ដុំសហគមន៍បឹងជាំព្រៃហើយបើកគេចខ្លួនបាត់ នៅរសៀលថ្ងៃទី២៦ ខែមករាឆ្នាំ២០១៧ ចំណុចភូមរំចេក ឃុំរមណីយ៍ ស្រុក រវៀង ខេត្តព្រះវិហារ។
លោក ស៊ុំ ស៊ីវុត្ថា នាយផ្នែករវៀងបានឲ្យដឹងថា នៅប្រហែលម៉ោង២:១៥នាទី ភ្នាក់ងារការរាយការណ៍មកថាមានរថយន្ដ ដឹកឈើក្រញូងឆ្លងកាត់ផ្លូវជាតិលេខ៦២ លោកបានបញ្ជាឲ្យដាក់កំលាំងស្ទាក់ចាប់រថយន្ដប្រភេទខាងលើតែដោយការរាយការណ៍ មកបន្ទាន់ពេករថយន្ដដឹកឈើក្រញូងឆ្លងកាត់ផុតត្រូវបានកំលាំងផ្នែកសហការជាមួយសង្កាត់ដេញពីក្រោយតែត្រូវរថយន្ដកាម៉ារីហើម ពណ៌ខ្មៅរារាំងមិនឲ្យវ៉ា ចំណែករថយន្ដដឹកឈើក្រញូងបានបើកចូលព្រៃ បានយកឈើទៅទំលាក់ចោលក្នុងព្រៃ ដោយដេញប្រផាប់ចាប់ប្រភីងកំលាំងសមត្ថកិច្ចបានឃើញរថយន្ដដឹកឈើក្រញូងខាងលើចេញពីព្រៃទើបកំលាំងរបស់លោក ចូលតាមរកឃើញឈើក្រញូងទំលាក់ចូលក្នុងព្រៃ ហើយលោកបានឲ្យមន្ត្រីដឹកយកឈើក្រញូងមានទំងន់១៤០គីឡូក្រាមយកមករក្សាទុកនៅផ្នែករដ្ឋបាលព្រៃឈើរវៀង ដើម្បីធ្វើកំណត់ហេតុបញ្ជូនទៅតុលាការចាត់ការតាមនិតិវិធី។
