ខេត្តប៉ៃលិន ៖ ប្រជាពលរដ្ឋគ្រួសាជាច្រើនគ្រួសាររស់នៅភូមិអូរតាវ៉ៅសង្កាត់អូរតាវ៉ៅ បានលើកឡើងចំៗដល់អាជ្ញាធរពាក់ព័ន្ធក្នុងខេត្តដែលមានជំនាញផ្នែកស្ពាន-ផ្លូវមេត្តាជួយមើលស្ពានបាលេមួយកន្លែងកំពុងតែបាក់ស្រុតស្ថិតក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិនព្រោះពេលសិស្សានុសិស្សនិងប្រជាពលរដ្ឋធ្វើដំណើរឆ្លងកាត់ទៅមកមានការព្រួយបារម្ភពីសុវត្ថិភាព និងឆ្លងកាត់ទាំងព្រលឹងចុងសក់។
ប្រជាពលរដ្ឋរស់នៅភូមិអូរតាវ៉ៅ បានឲ្យដឹងថាស្ពានមួយកន្លែងដែលដាក់តាមផ្លូវចូលទៅសាលាបឋមសិក្សា ស ខេងអូរតាវ៉ៅ មានចំងាយពីផ្លូវចាក់កៅស៊ូ៣៥០ម៉ែត្រកំពុងបាក់ស្រុតបង្កឲ្យមានការព្រួយបារម្ភ ចំពោះអ្នកឆ្លងកាត់ពិសេសក្មេងៗដែលជាសិស្សានុសិស្ស ។ ប្រភពបញ្ជាក់ថា នៅចំណុចស្ពាននេះកាលពីមុនគេដាក់ លូប្រអប់ តែដោយសារមានទឹកជំនន់កាលពីឆ្នាំកន្លងទៅទើបធ្វើឲ្យប្រព័ន្ធលូនៅទីនេះហូរចាក់ទៅក្រោមអស់ខូចខាតទាំងស្រុងជាហេតុបណ្តាលឲ្យប្រជាពលរដ្ឋពិបាកក្នុងការធ្វើដំណើរឆ្លងកាត់។ប៉ុន្តែនៅមុនការបោះឆ្នោតជ្រើសតាំងតំណាងរាស្ត្រស្រាប់តែមន្ទីរជំនាញខាងសាធារណៈការខេត្ត ដឹកស្ពានបាលេយកមកដាក់ដើម្បីតភ្ជាប់ផ្លូវ តែពុំមានចាក់សាបជើងក្រោមស្ពាននោះទេដោយដាក់ឲ្យគ្រាន់តែសម្រាប់ធ្វើដំណើរបាន ។
ប្រភពបន្តទៀតថា ក្រោយមកក៏មានទឹកហូរខ្លាំង បង្កឲ្យអាចម៍ដីនៅចំហៀងអូរហូរធ្លាក់ចុះបន្តិចម្តងៗបណ្ដាលឲ្យស្ពានបាក់ស្រុតស្ទើរតែក្លាយជាអក្សរវី ធ្វើឲ្យពួកគាត់ពិបាកក្នុងការឆ្លងកាត់។ស្ពានមួយនេះ មានសារៈសំខាន់ណាស់សំរាប់ពួកគាត់ព្រោះការធ្វើដំណើរទៅមក ពិសេសសិស្សានុសិស្ស ឆ្លងទៅសាលារៀន ។ប្រភពបន្តថា នៅចំណុចស្ពាននេះពួកគាត់បានធ្វើលិខិតស្នើទៅអាជ្ញាធរពីរទៅបីដងហើយប៉ុន្តែពុំមានឃើញអាជ្ញាធរណាម្នាក់អើពើឡើយ, ពួកគាត់បានសំណូមពរ ឲ្យអាជ្ញាធរខេត្ត មេត្តាជួយធ្វើស្ពានមួយកន្លែងនេះឲ្យពួកគាត់ផងព្រោះវាមានសារៈសំខាន់ណាស់ សម្រាប់កូនចៅពួកគាត់ឆ្លង ទៅសាលារៀនដើម្បីសិក្សា ហើយណាមួយពុំមានផ្លូវណាចេញចូលនោះទេគឺមានតែមួយខ្សែនេះ ។
ប្រភព័ត៌មានពី លោកសុខ រី មេភូមិអូរតាវ៉ៅ បានឲ្យដឹងតាមទូរស័ព្ទថា ស្ពានទ្រុឌទ្រោ មនៅមុខសាលារៀនសខេងអូរតាវ៉ៅ មិនដឹងថ្ងៃណា ខែណាខាងលើជួសជុលនោះទេ ដោយខាងលោកបានចុះហត្ថលេខាជូន តាំងពីខែកក្កដា ២០១៤ កន្លងមកនេះ ដាក់ទៅសង្កាត់អូរតាវ៉ៅ១ច្បាប់ និងទៅសាលាខេត្តមួយច្បាប់ដែរ ។ លោកបានបន្តទៀតថា បើសិនជាមិនធ្វើការជួ សជុលឱ្យបានទាល់ពេលទេនោះ អាចបណ្តាលឱ្យស្រុតបាក់ទៅក្នុងប្រឡាយ ហើយប៉ះពាល់ដល់សិស្សដែលឆ្លងកាត់ទៅរៀនជារៀងរាល់ថ្ងៃ ។ លោកបានបន្តទៀតថា រហូតមកដល់ពេលនេះ កាន់តែស្រុតចុះក្រោមបន្តិចម្តងៗ ហើយលោកកំពុងតែព្រួយបារម្ភអំពីសុវត្ថិភាពសិស្សានុ សិស្ស និងប្រជាពលរដ្ឋដែលឆ្លងកាត់ទៅមកជារៀងរាល់ថ្ងៃផងដែរ ។ លោកមិនដឹងថា យ៉ាងណាដែរ ព្រោះតាំងតែពីលោកដាក់ពាក្យស្នើសុំទៅលើរហូតមកដល់ពេលនេះគឺស្ងាត់ មិនទាន់ មានដំណឹងណាមួយលេចឮថាជួសជុលនោះទេ ដូច្នេះសុំឱ្យជួយអំពាវនាវដាស់តឿនដល់ខាង លើផងដែរ ។
លោក សួន អ៊ន ចៅសង្កាត់អូរតាវ៉ៅ បានឱ្យដឹងតាមទូរស័ព្ទកាលពីរសៀលថ្ងៃទី០៥ កញ្ញានេះថា ពាក់ព័ន្ធទៅនឹងស្ពានខូចទ្រុឌទ្រោមនេះ ខាងលោកបានធ្វើប៉ុន្មានលើក ប៉ុន្មានសារហើយតែងតែខូចអ៊ីចឹង ។ លោកបានបន្តទៀតថា របស់អីក៏ដោយ ឱ្យតែយើងប្រើប្រាស់តែងតែខូចមិនមែននៅល្អរហូតនោះទេ ។ ឯការគ្រោងជួសជុលនោះ យើងមិនមានថវិកាអីគ្រប់គ្រាន់ ដើម្បីជួសជុលដែរ គឺខាងលោកទៅរកគេសិន នៅពេលបានទទួលហើយ នឹងកំណត់ថ្ងៃខែធ្វើជាមិនខាន ។ លោកបានបញ្ជាក់ទៀតថា កាលពីឆ្នាំមុនខូច ខាងលោកបានធ្វើរួចមកហើយ តែពេលខូចម្តងទៀត នេះខាងលោកបានស្នើសុំទៅថ្នាក់លើរួចរាល់អស់ហើយ តែមិនទាន់មានការឆ្លើយតបនៅឡើ យទេ រង់ចាំមើលសិន ៕
ចៅចិត្រ
