ធ្លាយរឿងគួរឱ្យភ្ញាក់ផ្អើល គឺលោក នាយឧត្តមសេនីយ៍ ទៀ វិញ បានតែង តាំងលោក កាន់ កៅ ដែលអ្នករកស៊ី នៅសមុទ្រស្គាល់ថា ជាមេឈ្មួញរកស៊ី រត់ពន្ធប្រេងសាំងដ៏ល្បីឈ្មោះ ប្រចាំ ដែនសមុទ្រឱ្យពាក់ផ្កាយ១ កាន់ផ្នែក គណនេយ្យកងទ័ពជើងទឹក និងតែង តាំងកូនប្រុសរបស់គាត់ឈ្មោះ ទៀ សុខា ឱ្យពាក់ផ្កាយ២ កាន់តួនាទីជា ប្រធានផ្នែកសន្តិសុខលំហរសមុទ្រ ។ ហើយលោក នាយឧត្តមសេនីយ៍ ទៀ វិញ គឺជាមេបញ្ជាការកងទ័ពជើងទឹក និងបងប្រុសរបស់គាត់ គឺលោកនាយឧត្តមសេនីយ៍ ទៀ បាញ់ ឧបនាយក រដ្ឋមន្ត្រី រដ្ឋមន្ត្រីក្រសួងការពារជាតិ ។
ពាក់ព័ន្ធនឹងការតែងតាំងតម្លើងតួនាទី នេះ នាយទាហានមួយចំនួនទៀតបាន លើកឡើងថា ពួកគាត់បានចូលបំរើ ការងារ ក្នុងក្របខណ្ឌកងទ័ពជើងទឹក ខ្លះពាក់ ត្រឹមសក្តិ៣ប៉ុណ្ណោះ ហើយអ្នកខ្លះទៀត មានសំណាងពាក់សក្តិ៥ ប៉ុន្តែគ្រាន់តែ ពាក់សក្តិឱ្យល្អមើលតែប៉ុណ្ណោះ ព្រោះ គ្មានតួនាទីមុខតំណែងអ្វីទេ ។
ប្រភពព័ត៌មានទាក់ទងរឿង តែងតាំងបក្ខពួក សាច់ញាតិឯងឱ្យធ្វើ ធំថាតែងតាំងទៅចុះ ព្រោះជាសាច់ ញាតិគ្នីគ្នា តែអ្វីដែលត្រូវចាប់អារម្មណ៍ គឺការឃុបឃិតគ្នា ឱ្យមានបទល្មើសលើ ផ្ទៃសមុទ្រ ។ អាជ្ញាធរខេត្តព្រះសីហនុ ក៏ធ្លាប់បានលើកលើងផងដែរថា លោកទៀ សុខា មានការឃុបឃិត ជាមួយឈ្មួញឈ្មួញធំៗ រកស៊ីដឹកជញ្ចូន ទំនិញគេចពន្ធ ចូលដែនសមុទ្រកម្ពុជា គ្មាននរណាហ៊ានបង្ក្រាបនោះទេ ។
ប្រភពច្បាស់ការក្រុមឈ្មួញ ដែលរកស៊ីដឹកជញ្ជូន ប្រេងសាំងគេចពន្ធ មកពីតំបន់កោះរ៉ុង កោះខ្យង ក្នុងមួយថ្ងៃៗរាប់ពាន់តោន ចូលខេត្តកំពត និងខេត្តព្រះសីហនុ ការ កាប់បំផ្លាញព្រៃឈើតាមដែនកោះ ក៏ ដូចជាការឃុបឃិតឱ្យទូកនេសាទរបស់ ជនជាតិថៃ វៀតណាមចូលមកធ្វើ អាជីវកម្មក្នុងដែនសមុទ្រខ្មែរ រួមទាំង ការដឹកជញ្ជូនទំនិញគេចពន្ធ ឆ្លងកាត់ ដែនសមុទ្រ មិនមែនលោក ទៀ សុខា មិនដឹងនោះទេ ចឹងហើយនៅពេល ផ្នែក អគ្គលេខាធិកាដ្ឋានលំហរសមុទ្រ មិនបង្ក្រាបទំនិញគេចពន្ធ និងទំនិញខុស ច្បាប់ទាំងនោះ មន្ត្រីជំនាញនិងសមត្ថ កិច្ចដទៃទៀត គ្រាន់តែជាជើងក្រោយ ប៉ុណ្ណោះ ។
បើតាមប្រភពដោះ សារ របស់មន្ត្រីមានសមត្ថកិច្ចផ្សេងៗ នៅលំហរសមុទ្រ ។ អំពើពុករលួយដែល លោក ទៀ សុខា រួមដៃជាមួយលោក កាន់ កៅ ឃុបឃិត ឱ្យមានបទល្មើស នៅក្នុងដែនសមុទ្រកម្ពុជា មិនមែនជា រឿងធម្មតាទេ ដែលគួរតែអង្គភាពប្រឆាំងអំពើពុករលួយ ត្រួតពិនិត្យមើលឡើងវិញផង ៕
