ខេត្តបន្ទាយមានជ័យ ៖ លោក លី សារី អភិបាលរង ខេត្តបន្ទាយមានជ័យ និងជាប្រធានសាខាកាកបាទក្រហមខេត្តបន្ទាយមានជ័យ លោកស្រី ឆាន់ ច័ន្ទសោភា អនុប្រធានសាខាកាកបាទក្រហមខេត្តបន្ទាយមានជ័យ និងក្រុមការងារ កាកបាទក្រហមជាច្រើននាក់ទៀត បានថ្លែងក្នុងពិធីចែកអំណោយជូនដល់ប្រជាពលរដ្ឋក្រីក្រនិងមានជម្ងឺប្រចាំកាយចំនួន៦គ្រួសាររស់នៅក្នុងភូមិ ក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ នៅព្រឹកថ្ងៃទី២៣ខែមករាឆ្នាំ២០១៧នោះថា បើទោះជាបងប្អូនមានជីវភាពខ្វះខាត និងមានជម្ងឺជាប់និងខ្លួនយ៉ាងណាក៏ដោយ យើងត្រូវតែខិតខំថែរក្សាខ្លួនជាមនុស្សល្អ ពលរដ្ឋល្អ ត្រូវប្រព្រឹត្តិតែអំពើល្អ សុចរិត និងជាសឲ្យឆ្ងាយពីគ្រឿងញៀន ជីវិតយើងម្នាក់ៗតែងតែជួបប្រទះទុក្ខលំបាកនិងបញ្ហាផ្សេងៗ ជៀសមិនផុតឡើយ ។ ប៉ុន្តែមនុស្សយើងឲ្យតែមានជីវិតរស់នៅទុកជាមានជីវិតថ្លៃថ្លាណាស់ទៅហើយ ដូច្នេះត្រូវបន្តកសាងអំពើល្អជាសឲ្យឆ្ងាយនូវអបាយមុខគ្រប់ប្រភេទ ដូចជាល្បែងស៊ីសងជាដើម យើងមានជីវភាពក្រីក្រប៉ុណ្ណឹង វាមិនដូចជំនាន់ប៉ុលពតនោះឡើយ ។ ហេតុនេះយើងសព្វ ថ្ងៃក្រយ៉ាងណា ក៏នៅមានរដ្ឋាភិបាលនិងមានអាជ្ញាធរ និងសាខាកាកបាទហមចាំជួយប្រជាពលរដ្ឋក្រីក្រទាំងអស់នោះជានិច្ច ។
លោក លី សារី បានបញ្ជាក់ទៀតថា ក្នុងនាមលោកជាប្រធានសាខាកាកបាទក្រហមខេត្តបន្ទាយមានជ័យ លោកតែងតែយកចិត្តទុកដាក់យកអំណោយចុះទៅចែកជូនដល់ជនណានៅតាមមូលដ្ឋានក្រីក្រពិតប្រាកដនោះមិនដែលខានឡើយកន្លងមកឲ្យតែ មេភូមិ មេឃុំ រាយការណ៍មកលោកៗ និងនាំយកអំណោយទៅចែកជូនដល់ផ្ទះជនក្រីក្រទាំងអស់តែម្តងមិនប្រកាន់និន្នាការនយោបាយបក្សនេះបក្សនោះឡើយ ។
លោក លី សារី បានបញ្ជាក់ទៀតថា របស់សាខាកាបាទក្រហមដែលយកអំណោយទៅចែកជូនជនក្រីក្រកំពុងមានជំងឺជាប់និងខ្លួននោះ រួមមាន ១ ឈ្មោះ ឃួន នី ស្រីអាយុ៦៧ឆ្នាំ ២ ឈ្មោះ ព្រំទេន អាយុ៥៥ឆ្នាំ ប្រុស ៣ ឈ្មោះ យិន ស៊ីថូយ ស្រី អាយុ៤៥ឆ្នាំ ៤ ឈ្មោះ វឿន រឿត ស្រី អាយុ២៩ឆ្នាំ ៥ ឈ្មោះ សេង ហេង ស្រី អាយុ៧២ឆ្នាំ ៦ ឈ្មោះ កែវ ផេង ស្រីអាយុ៣៥ឆ្នាំ ។
អំណោយ រួមមានក្នុង ១ គ្រួសារទទួលបានអង្ករ៣០គីឡូ មី១កេស ត្រីខ១០កំប៉ុង ប្រេងឆា ១ លីត្រ សាប៊ូម្សៅ១គីឡូ ទឹកត្រី៣ដប និងថវិការ១០ម៉ឺនរៀល ៕
