ខេត្តបាត់ដំបង ៖ រឿងដីសាលាមតេ្តយ្យបណ្តុះកុមារអូរចារ នៅសង្កាត់អូរចារក្រុងបាត់ដំបង មានការ សង្ស័យមានមន្ត្រីសុរិយោដីម្នាក់នៅពីក្រោយខ្នង លោក គឹម ឆង ចៅសង្កាត់អូរចាឃុបឃិតគ្នារឿងលក់ផ្ទេរសិទ្ធិមត៌ក ឲ្យលោក សៅ ប៊ុនទិត្យ នគរបាលប្រឆាំងគ្រឿងញៀន ។
នៅថ្ងៃទី១៦ ខែមករា ឆ្នាំ២០១៧ មានលិខិតប្រកាសផ្ទេរមត៌ក ពីឈ្មោះ ពៅ អោក អោយទៅឈ្មោះ សៅ ប៊ុនទិត្យ ដោយព្រះរាជអាជ្ញារង ចាន់ សុយុទ្ធារា ខណៈនោះ ប្រជាពលរដ្ឋក៏ផ្ទុះការតវ៉ាដោយឲ្យសួរទៅកាន់លោក គឹម ឆង ចៅសង្កាត់ថា តើដីសាលាមត្តេយ្យបណ្តុះកុមារ លោកខ្ចីពីប្រជាពលរដ្ឋមែនទេ? លោក គឹម ឆង បានឆ្លើយថា ពិតជាបានខ្ចីប្រជាពលរដ្ឋមែន ។ តើលោក គឹម ឆង បានលក់ឬផ្ទេរសិទ្ធឲ្យគេមែនទេ? លោកចៅសង្កាត់នេះ បានឆ្លើយថា ពិតជាបានធ្វើលិខិតផ្ទេរមែនតែផ្ទេរមត៌កឲ្យទៅលោក សៅ ប៊ុនទិត្យ ។
ដីសាលាមតេ្តយ្យបណ្តុះកុមារអូរចារមានទំហំ៤០គុណ៤០ម៉ែត្រដោយការបរិចាកដីដំណាំអ្នកភូមិជាច្រើនគ្រួសារ ដើម្បីទុកជាសម្បត្តិរដ្ឋតាំងពីឆ្នាំ១៩៨៤ ក្រោយការបង្រៀនជាច្រើនឆ្នាំក្រោមកំដៅភ្កៀងខ្យល់ និងសត្វកណ្តៀរសាលាបានបាក់ទ្រុឌទ្រោមខូចខាតទាំងស្រុង លុះឆ្នាំ២០០០ គ្មានការជួសជុលទុកចោល សិស្សមតេយ្យ ត្រូវបានគេយកមករៀនបណ្តោះអាសន្ននៅសាលាបឋមសិក្សា ហ៊ុន សែន អូរចារ គឺរៀនក្នុងឃ្លាំងដាក់សម្ភារ: និងខ្លះរៀនក្រៅថ្នាក់ក្រោមកំដៅថ្ងៃភ្លៀងខ្យល់ រហូតមកជារៀងរាល់ឆ្នាំរហូត ដល់ឆ្នាំ២០១៧ (ឆ្នាំ២០១១ ដីសាលាមតេ្តយ្យទុកចោលត្រូវបានចេញប្លង់រឹងដីសាលារៀន)។
នៅថ្ងៃទី២០ ខែមករា ឆ្នាំ២០១៧ ប្រជាជនមិនសុខចិត្តក៏ផ្ទុះការតវ៉ាម្តងទៀតថា ដីនៅចំណុចសាលាមតេយ្យជារបស់ ពលរដ្ឋនៅជុំវិញ ជូនរដ្ឋជូនមេឃុំធ្វើសាលារៀនមិនមានដីឈ្មោះ ពៅ អោក មុនសម័យប៉ុលពតទេ មុនសម័យ ប៉ុល ពត ក៏ជាដីរបស់តាវឹងដែរ ។
ចំពោះដីមុនសម័យសង្គ្រាមមិនមានប្លង់ចេះតែថារបសើខ្លួន ហើយក៏មិនអាចធ្វើបណ្តាំមរត៌កបានដែរ ។ ម្យ៉ាងទៀត ដីមានប្លង់រឹងសាលារៀនរបស់រដ្ឋ ហើយត្រូវឯកជនប្តឹងតវ៉ាធ្វើជាកម្មសិ្ទទ្ធិបាន (នោះប្លង់ និងស្ថាប័ណចេញដោយរាជរដ្ឋាភិបាលពិតជាខ្សោយ) តើទុកឲ្យកូនចៅទៅរៀន និងអ្នកគ្រូមតេយ្យបង្រៀនសិស្ស ក្រោមកំដៅថ្ងៃប៉ុន្មានឆ្នាំទៀត ទើបគ្រប់គ្រាន់បើគិតពីឆ្នាំ២០០០ រហូតមកដល់ពេលនេះ១៧ឆ្នាំ ហើយចំពោះការធ្វើការតវ៉ានេះពលរដ្ឋបានបញ្ជាក់ថា គ្មានគណបក្សនយោបាយណាចូលរួមទេហើយពលរដ្ឋនៅតែគាំទ្រគណបក្សប្រជាជនដដែល ។ ក្រោយពីធ្វើការតវ៉ានៅថ្ងៃទី២០ខែមករាឆ្នាំ២០១៧ លោក សៀង ឯមវ៉ូនស្ហី អភិបាលក្រុងបាត់ដំបងបានណែនាំប្រជាពលរដ្ឋប្រាប់តាមសមត្ថកិច្ចឲ្យពលរដ្ឋទាំងនោះទៅដាក់ពាក្យបណ្តឹងតវ៉ាជំទាស់នៅសាលាដំបូងខេត្តបាត់ដំបងដើម្បីធ្វើការពិនិត្យឡើងវិញ ។ នៅថ្ងៃទី២៣ ខែមករា ឆ្នាំ២០១៧ មានអ្នកចេញមុខអង្វរប្រាប់ពលរដ្ឋថា បើឈ្នះបានដីសាលារៀនមកវិញនាំគ្នាកសាងសាលាឲ្យក្មេងៗចូលរៀនក្នុងម្លប់ទៅ កុំប្តឹងចាប់មនុស្សដាក់គុកអី ព្រោះគាត់ត្រូវជាសាច់ញាតិ និង់ជាមន្ត្រីសុរិយោដី ទើបមានការងារធ្វើឆ្នាំនេះឯង ៕
