ខេត្តបន្ទាយមានជ័យ ៖ កំលាំងអធិការដ្ឋាននគបាលស្រុកភ្នំស្រុក បានចុះសហការណ៍ជាមួយនគរបាលជំនាញខេត្ត បានចុះប្រតិបត្តិការបង្ក្រាបមុខសញ្ញាចែកចាយគ្រឿងញៀនម្នាក់បើករថយន្តលក់ចែកចាយក្នុងភូមិ កាលល្ងាចថ្ងៃទី២១ខែមករាឆ្នាំ២០១៧ ចំណុចភូមិសាស្ត្រភូមិរោគ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ។
លោកវរៈសេនីយ៍ឯកចាបសុផារិទ្ធបានបញ្ជាក់ទៀតជនសង្ស័យមានឈ្មោះស្លេះ សាគីភេទប្រុសអាយុ២៧ឆ្នាំនៅភូមិអូថ្កូវ ឃុំកំពង់ថ្កូវ ស្រុកក្រឡាញ់ ខេត្តសៀមរាប។ដកហូត គ្រឿងញៀនប្រភេទម្សៅក្រាមព៌ណ ស ១កញ្ចប់ស្មើទំងន់១ជី នឹងធ្វើការដកហូតរថយន្តបាន១គ្រឿងម៉ាក់កាមារីបាឡែនព៌ណទឹកប្រាក់ពាកផ្លាក់លេខ២t ៩១៤៣។
លោកវរៈសេនីយ៍ឯកចាបសុផារិទ្ធបានបញ្ជាក់ទៀតថាមុននិងឈានឃាត់ខ្លួនជនសង្ស័យបាននោះសមត្ថកិច្ចបានទទួលព័ត៌មានពីប្រជាពលរដ្ឋរស់នៅជិតនោះថាមានជនសង្ស័យកំពុងជិះរថយន្តដើរលួចលក់គ្រឿងញៀននៅចំណុចកើតហេតុខាងលើទើបលោកដឹកនាំកំលាំងចុះឃាត់ខ្លួនបាននៅចំណុចកើតហេតុភ្លាមតែម្តង ក្រោយពីឃាត់ខ្លួនហើយជនសង្ស័យត្រូវបាននគរបាលបញ្ជូនមកស្នងការនគរបាលខេត្តបន្ទាយមានជ័យដើម្បីសួនាំបន្ត។
ជនសង្ស័យនៅមុខសមត្ថកិច្ចបានឆ្លើយសារភាពថាខ្លួនពិតជាបានជិះរថយន្តយកគ្រឿងញៀនលួចលក់តាមភូមិពិតប្រាកដម៉ែន។ក្រោយពីបានចំលើយសារភាពនិងមានវត្ថុតាងផងនោះជនសង្ស័យត្រូវបាននគរបាលជំនាញកសាងសំនុំរឿងបញ្ជូនទៅតុលាការដើម្បីដាក់ទោសទៅតាមនិតិវិធី ៕
