ស្ទឹងត្រែង ៖ អាវុធហត្ថខេត្តស្ទឹងត្រែងបញ្ជូន ក្រុមក្មេងស្ទាវប្រើប្រាស់ថ្នាំញៀន ៤នាក់ ពេលជិះម៉ូតូ៣គ្រឿង មកឈប់ហើយមានដំបង កាំបិត បង្កអសន្តិសុខសង្គមនិងបុរសម្នាក់
ជូញដូរគ្រឿងញៀន ទៅតុលាការ បន្ទាប់បង្ក្រាបបាន នៅយប់អធ្រាតឈានចូលនៅថ្ងៃ២១ ខែមករា ឆ្នាំ២០១៧នៅចំនុចសួនច្បារ មុខសាលាខេត្តស្ទឹងត្រែង។
មន្ត្រីជំនាញអាវុធហត្ថអោយដឹងថាក្រុមក្មេងស្ទាវទាំង៤នាក់ខាងលើ១.ឈ្មោះតន់បូរ៉ា អាយុ ១៥ឆ្នាំភេទប្រុសមុខរបរសិស្សរស់នៅភូមិស្ពានថ្មសង្កាត់ក្រុងស្ទឹងត្រែង,។ទី២ឈ្មោះស្រីលាងគ្រីម អាយុ១៥ឆ្នាំភេទប្រុសជនជាតិខ្មែរមុខរបរសិស្ស,។ទី៣ឈ្មោះ ចាន់តយ ភេទប្រុសអាយុ១៥ឆ្នាំ មុខរបរសិស្ស,។ទី៤ឈ្មោះ ខិត សុខនា ភេទប្រុស អាយុ១៦ឆ្នាំមុខរបរសិស្ស អ្នកទាំង៣រស់នៅភូមិ ព្រែកសង្កាត់ក្រុងស្ទឹងត្រែង។
មន្ត្រីជំនាញអោយដឹងទៀតថា ក្រុមក្មេងស្ទាវខាងលើនោះតែងតែធ្វើសកម្មភាពអង្គុយជាក្រុមមានប្រមាណជាង១០នាក់ដោយ មានដំបង កាំបិត និងសម្ភារៈជាច្រើនទៀត ទុកសម្រាប់គម្រាមនិងសម្លុតអ្នកដដៃផ្សេងទៀត មិនអោយដើរលេងលើសួនច្បារនិងមិនអោយអង្គុយលើបង់ខាងមុខសាលាខេត្តស្ទឹងត្រែងជាដាច់ខាត ហើយមុនឈានដល់ការបង្ក្រាបក្មេងស្ទាវនោះបាន គឺក្រោមបទបញ្ជាលោកឧត្តមសេនីយ៏ត្រីអៀង វ៉ាន់ឌីមេបញ្ជាកងរាជអាវុធហត្ថខេត្តស្ទឹងត្រែងអោយចេញល្បាតជារៀងរាល់ថ្ងៃនិងយប់ដើម្បីទប់ស្កាត់ភាពបង្កអសន្តិសុខដល់ប្រជាពលរដ្ឋក្នងខេត្តទាំងមូល។
ដោយឡែក ជនសង្ស័យម្នាក់ទៀតក៏ត្រូវជាត់ខ្លួនដែរ បុរសសង្ស័យមានឈ្មោះ អ៊ុំ សម្បត្តិ អាយុ១៨ឆ្នាំជនជាតិខ្មែរ មុខរបរជាងឡាន រស់នៅភូមិថ្មលាតសង្កាត់ស្រះឬស្សីក្រុងស្ទឹងត្រែង ។ ក្រោយឃាត់ខ្លួនសមត្ថកិច្ចដកហូតបានវត្ថុតាងថ្នាំញៀនម៉ាទឹកកកចំនូន៣កញ្ជប់តូច ទូរស័ព្ទ១ ម៉ូតូ១គ្រឿង។
ជនសង្ស័យទាំង៤នាក់ខាងលើ នៅបន្ទាប់ពីធ្វើការសាកសួរនិងតេស្តទឹកនោម រកសារធាតុញៀន រីឯបុររសង្ស័យមានថ្នាំញៀនសមត្ថកិ្ចកសាងសំណុំរឿងបញ្ជូនទៅតុលាការភ្លាមៗដើម្បីចាត់ការតាមនិតិវិធី ៕
