បាត់ដំបង ៖ កម្លាំងកងរាជអាវុធហត្ថ ក្រុងបាត់ដំបង កងរាជអាវុធហត្ថបង្ក្រាបការ ជួញដូរគ្រឿងញៀនចាប់បានម្នាក់និង ដកហូតថ្នាំញៀនម៉ាទឹកកក ៥កញ្ចប់ទម្ងន់១២,០៤ក្រាមពេលកំពុងធ្វើសកម្មភាព នៅវេលាម៉ោង៣និង៣០នាទីរសៀល
ថ្ងៃទី២០ខែមករា ឆ្នាំ២០១៧ មូលដ្ឋានកងរាជ អាវុធហត្ថ ក្រុងបាត់ដំបង ក្រោមដឹកនាំដោយលោកវរសេនីយ៍ ត្រី សំ វិឡុង មេបញ្ជាការនិងមានការសម្របសម្រូលពីលោក ហេង លុយ ព្រះរាជអាជ្ញា រង អមសាលាដំបូង ខេត្ត ចុះបង្ក្រាប ការជួញដូរគ្រឿងញៀន មួយកន្លែង នៅ ចំណុចក្រុម ៣ភូមិអណ្តូងចេញ សង្កាត់អូរចារ ក្រុងបាត់ដំបង ។
បុរសសង្ស័យមានឈ្មោះ ប៊ុន សត្យា អាយុ ២៤ឆ្នាំមុខរបរ(មិនពិតប្រា កដ)រស់ផ្ទះលេខ៥១ ក្រុម៣ភូមិអណ្តូងចេញ សង្កាត់អូរចារ ក្រុងបាត់ ដំបង ខេត្តបាត់ដំបង ។
វត្ថុតាងដែលរឹបអូស បានរួមមាន៖ 1-ថ្នាំញៀន៥កញ្ចប់ទម្ងន់១២,០៤ក្រាម 2-ជញ្ជីងថ្លឹង១ 3-ទូរសព្ទ័១គ្រឿង 4-អត្តសញ្ញាណបណ្ណ័ខ្មែរ១សន្លឹក 5-បាត់ថៃ១សន្លឹក 6-កាំភ្លើងបាញ់កណ្តុរ២ 7-កាំបិតសាំម៉ូរ៉ៃ១ និងសម្ភារ:វេចខ្ចប់ មួយចំនួន។
បច្ចុប្បន្ន ជនសង្ស័យ និងវត្ថុតាង កម្លាំងអាវុធហត្ថ ក្រុងបានកសាងសំណុំរឿងបញ្ជូនទៅកាន់តុលាការចាត់តាមនីតិវិធី៕
