ខេត្តបន្ទាយមានជ័យ ៖ ព្រឹកថ្ងៃទី២០ ខែមករា ឆ្នាំ២០១៧នេះ នៅសាលាបឋមសិក្សាកកោះ ស្ថិតក្នុងភូមិកកោះ ឃុំស្លក្រាម ស្រុកស្វាយចែក ខេត្តបន្ទាយមានជ័យ បានធ្វើវិធីអប់រំសីលធម៌ ពុទ្ធសាសនាដល់សិស្សនិងចែកសម្ភារៈសិក្សាកង់ និងអាហារូបករណ៍ដល់សិស្សក្រីក្រជាច្រើនាក់។ពិធីនេះមានការចូលរួម ឯកឧត្តម ឈើ យចាន់ណា អភិបាលរងខេត្តបន្ទាយមានជ័យ ព្រះអង្គគ្រូធម្មឃោសា មាន សុវណ្ណរា តំណាងក្រុមព្រះសង្ឃស័គ្រចិត្ត ព្រះសង្ឃ ប្រជាពលរដ្ឋ និងសិស្សានុសិស្សជាច្រើននាក់ទៀតបានចូរួមផងដែរ ។
ក្នុងនោះដែរ ឯកឧត្តម ឈើយ ចាន់ណាបានមានប្រសាសន៍ថា ថ្ងៃនេះលោកសប្បាយចិត្តណាស់បានចូលរួមក្នុងពិធីអប់រំសីលធម៌ពុទ្ធសាសនាដល់សិស្ស និងធ្វើការចែកសម្ភារៈសិក្សាកង់ និងអាហារូបករណ៍ ដល់សិស្សក្រីក្រជាច្រើននាក់ទៀតផង ។
លោកបញ្ជាក់ទៀតថា ខេត្តបន្ទាយមានជ័យសព្វថ្ងៃនេះកំពង់ប្រែមុខមាត់ថ្មីលើវិស័យហេដ្ឋារចនាសម្ព័ន្ធនានានិងវិស័យអប់រំជាដើម។ស្របពេលដែលខេត្តបន្ទាយមានជ័យកំពុងមានការរីកចំរើននោះក៏នៅមានការព្រួយបារម្ភអំពីការធ្លាក់ចុះសីលធម៌សង្គម របស់យុវជន១ភាគតូចហៅថាយុវជនក្មេងទំនើងទើបព្រះសង្ឃស្ម័គ្រចិត្តរៀបចំកម្មវិធីអប់រំសីលធម៌ព្រះពុទ្ធសានានេះឡើងដើម្បីលើកកំពស់សីលធម៌សង្គមឡើងវិញ ។
ឯកឧត្តម ឈើយ ចាន់ណាបានបញ្ជាក់ទៀតថាសមាគមន៍ និងព្រះពុទ្ធសាសនាបង្កើតឡើងគឺដើម្បីធ្វើការអប់រំដល់កូនខ្មែរឲ្យក្លាយទៅជាមនុស្សល្អ សិស្សល្អ ប្រជាពលរដ្ឋល្អ និងពុទ្ធសាសនិកល្អ ។ សមាគម៍កតញ្ញូបែបព្រះពុទ្ធសាសនានេះកន្លងមកបានចុះអប់រំនៅតាមសាលាវិទ្យាល័យ អនុវិទ្យាល័យ និងសាលាបឋមសិក្សានានាក្នុងខេត្តបន្ទាយមានជ័យជាច្រើនកន្លែងដើម្បីអប់រំពន្យល់បង្ហាញដល់សិស្សទាំងអស់ជៀសឲ្យឆ្ងាយពីគ្រឿងញៀនចូលរួមកាត់បន្ថយ អំពើហឹង្សាក្នុងគ្រួសារធ្វើឲ្យកើតមានអសន្តិសុខក្នុងសង្គមហើយឲ្យស្របទៅតាមគោលនយោបាយភូមិ ឃុំមានសុវត្តិភាពនិងចូលរួមកាត់បន្ថយភាពក្រីក្រក្នុងសង្គមជាដើម ។
ឯកឧត្តម ឈើយ ចាន់ណា បានបញ្ជាក់ទៀតថា ក្នុងវិធីអប់រំសីលធម៌បែបព្រះពុទ្ធសាសនាដល់សិស្សនិងធ្វើពិធីចែកសម្ភារៈសិក្សាកង់ និងអាហារូបករណ៍ដល់សិស្សក្រីក្រនោះ រួមមានសិស្សជិត១.០០០នាក់សិស្សម្នាក់ៗទទួលបាន សម្ភារៈសិស្សា មានសៀវភៅ ៣ក្បាល ប៊ិច២ដើម បន្ទាត់១ សិស្សចំនួន១៨០នាក់ទទួលបានកាបូបមួយនិងសម្ភារៈសិក្សាមួយចំនួន សិស្សក្រីក្រ ១៣នាក់ទទួលបានកង់ម្នាក់មួយនិងសម្ភារៈសិក្សាមួយចំនួន សិស្សក្រីក្រ៤នាក់ទទួលបានកង់១អង្ករ១ការុងនិងសម្ភារៈប្រើប្រាស់១ឈុត គ្រួសារក្រីក្រ១២គ្រួសារទទួលបាន អង្ករ១ការុងនិងសម្ភារៈប្រើប្រាស់១ឈុត និងសាលាបឋមសិក្សាវត្តកកោះទទួលបានកុំព្យូទ័រ១គ្រឿង ម៉ាសីុនព្រីម១គ្រឿងនិងក្រដាស២កេះ កង់សម្ភារៈទាំងជាអំណោយរបស់កម្មវិធីអប់រំសីលធម៌ដឹកនាំដោយព្រះអង្គគ្រូធម្មឃោសាមានសុវណ្ណរាតំណាងក្រុមព្រះសង្ឃស្ម័គ្រចិត្ត ៕
