ខេត្តឧត្តរមានជ័យ ៖ ថ្ងៃទី១៨ ខែមករា ឆ្នាំ២០១៧ នៅវេលាម៉ោង ៨៖៣០នាទី កម្លាំងប៉ុស្តិ៍នគរបាល រដ្ឋបាលអូរស្មាច់ បានទទួលពត៌មានរាយការណ៍ពីកងទ័ពដែលឈរជើងនៅចំណុចភ្នំស្រួច ថាមានករណី មនុស្សចងកស្លាប់ នៅក្នុងព្រៃ ស្ថិតក្នុងភូមិចំការចេក សង្កាត់អូរស្មាច់ ក្រុងសំរោង។
បន្ទាប់មកកម្លាំងប៉ុស្តិ៍ បានចុះទៅដល់កន្លែងកើតហេតុ ដើម្បីត្រួតពិនិត្យសាកសព ដោយមានការចូលរួមពីលោកគ្រូពេទ្យនៅមណ្ឌលសុខភាពសង្កាត់អូរស្មាច់ផងដែរ។
ក្រោយពីធ្វើកោសល្យវិច្ច័យរួច ឃើញថា ជនរងគ្រោះពិតជាបាន ចងកធ្វើអត្តឃាតសំលាប់ខ្លួនឯងពិតប្រាកដមែន។
ជនរងគ្រោះឈ្មោះ យ៉ុន រដ្ឋា ភេទប្រុស អាយុ ២២ឆ្នាំ បច្ចុប្បន្នស្នាក់នៅវត្តរួចំប៉ី សង្កាត់អូរស្មាច់(ទើបនៅបាន ១០ថ្ងៃ) ហើយមានស្រុកកំណើតនៅ ភូមិក្បិល ឃុំសានគរ ស្រុកកំពង់ស្វាយ ខេត្តកំពង់ធំ ។
មូលហេតុ ៖ តាមកាបំភ្លឺពីព្រះគ្រូចៅអធិការវត្ត ថាជនរងគ្រោះមានជំងឺសរសៃប្រាសាទ ។
-បច្នុប្បន្ន សាកសពត្រូវបានកម្លាំងសមត្ថកិច្ចយើង ធ្វើកំណត់ហេតុប្រគេនចៅអធិការវត្ត ដើម្បីរងចាំសាច់ញ្ញាតិយកធ្វើបុណ្យតាមប្រពៃណី ៕
