ខេត្តឧត្តរមានជ័យ ៖ មនុស្សប្រុសស្រី ៥ នាក់ថ្នាំ ញៀនយ៉ាម៉ាចំនួន០៥ គ្រាប់និងថ្នាំម៉ាទឹកកក ចំនួន១១កញ្ចប់តូច និង ០១ កញ្ចប់ធំ និងសម្ភារ:ប្រើប្រាស់ថ្នាំញៀន ត្រូវកម្លាំងនគរបាលស្រុកបន្ទាយអំពិល ឃាត់ខ្លួនបញ្ជូនទៅស្នងការដ្ឋាននគរបាលខេត្រ នៅព្រឹក ថ្ងៃទី១៥ ខែមករា ឆ្នាំ២០១៧។
ហេតុការណ៍បង្ក្រាបធ្វើឡើង កាលវេលាម៉ោង ១៥និង.៥០ នាទី ថ្ងៃទី១៤ ខែមករា ឆ្នាំ២០១៧ នៅចំណុចភូមិគោកមន ឃុំគោកមន ស្រុកបន្ទាយអំពិល។
លោក វរសេនីយ៍ត្រី ឃុល ភិន អធិការរងទទួលបន្ទុកព្រហ្មទណ្ឌបានអោយដឹងថាក្នុងនោះបានធ្វើកាឃាត់ខ្លួនជនសង្ស័យចំនួន០៥ នាក់ ក្នុងនោះមានស្រី០២ នាក់ ៖
១- ឈ្មោះ សោយ គិមរិន ភេទប្រុស អាយុ ២៣ ឆ្នាំ រស់នៅភូមិគោកមន ឃុំគោកមន ស្រុកបន្ទាយអំពិល (ជាម្ចាស់ផ្ទះ)។
២-ឈ្មោះហៀប ថារ័ត្ន ភេទប្រុស អាយុ២៥ ឆ្នាំ រស់នៅភូមិត្រពាំងអំពិល ឃុំគោកមន
ស្រុកបន្ទាយអំពិល ។
៣- ឈ្មោះ ពេជ្រ សុភ័គ្រ ភេទប្រុស អាយុ២៦ ឆ្នាំ រស់នៅភូមិគោកមន ឃុំគោកមន ស្រុកបន្ទាយអំពិល ។
៤- ឈ្មោះ ឡូវ ណៃ ភេទស្រី អាយុ ៣២ ឆ្នាំ រស់នៅភូមិភ្នំក្រោម សង្តាត់សៀមរាប ក្រុងសៀមរាប ខេត្តសៀមរាប ។
៥-ឈ្មោះ ជា ស្រីនៀង ភេទស្រី អាយុ ៣០ ឆ្នាំ រស់នៅភូមិភ្នំក្រោម សង្តាត់សៀមរាប ក្រុងសៀមរាប ខេត្តសៀមរាប ។
វត្ថុតាងឆែកឆេរដកហូតបានរួមាន ៖ ថ្នាំញៀនមេតំហ្វេតាមីនWYចំនួន០៥ គ្រប់ ថ្នាំម៉ាទឹកកក(ICE) ចំនួន ១១កញ្ចប់តូច និង ០១ កញ្ចប់ធំ ម៉ូតូ Scoopy i ចំនួន ០១ គ្រឿង ទូរស័ព្ទដៃ ចំនួន ១២ គ្រឿង អត្តសញ្ញាណប័ណ្ណចំនួន ០៣ សន្លឹក សំភារៈសម្រាប់ជក់មួយចំនួនទៀត ។
បច្ចុប្បន្ន ជនសង្ស័យនិងវត្ថុតាងថ្នាំញៀនព្រមទាំងសម្ភារ:សមត្ថកិច្ចនគរបាលកំពុងរៀចំកសាងសុំណុំរឿងចាត់ការតាមនិតិវិធី ៕
