បាត់ដំបង ៖ ព្រៃលិចទឹកនៅតែកាប់ទន្ទ្រានបន្តមន្ត្រីរាជកាថា លោក សំ ចន្ថា អភិបាលរងស្រុកសង្កែជាអ្នកទទួលបែងចែក ហើយនៅថ្ងៃទី ៤ ខែកញ្ញា ឆ្នាំ២០១៤ នៅមានអ្នកជិះទូកកាណូត បើកចូលតំបន់ ៣ ព្រៃលិចទឹកបោះបង្គោលព្រំបែងចែកដីគ្នាធ្វើកម្មសិទ្ធិនៅឡើយ ។
នៅដើមខែកញ្ញានេះ មន្ត្រីរាជការក្នុងស្រុកសង្កែ បានបង្ហើបអោយដឹងថា ព្រៃលិចទឹកក្នុងឃុំកំពង់ព្រៀង ត្រូវគេកាប់ទន្ទ្រានបន្តទៀត ហើយកាកាប់បែងចែកគឺសំរាប់ថ្នាក់ដឹកនាំមួយចំនួនក្នុងស្រុកសង្កែ ដែលមានលោក សំ ចន្ថា អភិបារងស្រុកសង្កែជាអ្នកចេញមុខតែមិនដឹងថា ជាអ្នណានៅពីក្រោយរឿងនេះ ហើយបង្គោលឡាក់តំបន់៣គេរំកិលរហូត ។ ការកាប់រានព្រៃលិចទឹកឆ្នាំ២០១៤ បានកាប់បន្តរាប់រយហិកតាពីខាងកើតទំនប់ដីឧញ៉ា លី អាន (នៅភ្នំពេញ) បែងចែកអោយមន្ត្រីមួយចំនួនជាបក្ខពួកដែលមាន១ឈ្មោះ ៣ ហិកតាដល់ ១ ឈ្មោះ ៥ ហិកតាហើយដីកំពង់កាប់នេះ មានតំលៃ១ហិកតា ២០០ ដុល្លា ដោយមិនមានលិខិតបញ្ជាក់លក់ទិញនោះទេ ។
ប្រជាពលរដ្ឋថា កាលពីមុនដីចំណុចព្រៃលិចទឹកខាងឃុំ បានបែងចែកអោយប្រជាពលរដ្ឋដែរ តែប្រជាពលរដ្ឋយល់ថា ជាដីព្រៃលិចទឹកសំរាប់ចម្រកសត្វត្រី និងសត្វផ្សេងជាចំណីអាហារប្រចាំថ្ងៃ របស់ប្រជាពលរដ្ឋ ទើបពួកគាត់មិនទទួលយកការបែងចែកនេះ ដោយអោយរក្សាទុកជាសម្បត្តិសមូហភាពដដែល ។ តែមុនបោះឆ្នោតអាណត្តិទី ៥ ត្រូវមេឃុំ ង៉ែត សឿ លួចបែងចែកលក់ស្ងាត់ៗ
ក្រោយមកលោក លី វែង នាយខ័ណ្ឌជលផល ហៅសាកសួរ និងដាក់បណ្តឹងទៅតុលាការត្រូវចាញ់ក្រុមមេឃុំ និងមន្ត្រីពាក់ព័ន្ធ ហើយពួកគេគ៏លក់ដីនេះបន្តទៀត ។
ពាក់ព័ន្ធការចោទប្រកាន់នេះ លោក សំ ចន្ថា អភិបាលរងស្រុកសង្កែបានបកស្រាយថា រូបលោកមិនបានដឹងថា មានករណីកាប់ព្រៃលិចទឹកឡើយ ហើយសូមបដិសេធចំពោះមានឈ្មោះ លោកជាអ្នកបែងចែក ។ រូបលោកគ្រាន់តែទៅទប់ស្កាត់ការកាប់ទន្ទ្រានដីព្រៃខាងកើតទំនប់លីអាន ចំនួន១៣គ្រួសារប៉ុណ្ណោះ និងទទួលលិខិតរបស់លោក សួន សាវ៉េត អភិបាលស្រុកសង្កែទទួលស្គាល់ដីតំបន់ ២ ថា បើកាប់ស្រឡះ ឬអាស្រ័យផលហើយអោយធ្វើបន្តទៀតតែមិនអោយលក់ដូរទេ ។
ការរិះគន់ថាដីដំបន់២មិនអាចលក់ដូរបាន ចុះហេតុអ្វីឧញ៉ា លី អាន នៅភ្នំពេញសោះ មានដីចំនួន២០០ហិកតានៅចំណុចនេះដែរ? ។
ប្រជាពលរដ្ឋគាត់ថា ដោយចំណាត់ការមេឃុំនិងអភិបាលស្រុកគ្មានប្រសិទ្ធភាព និងការចង្អុលបង្ហាញប្រាប់ថ្នាក់លើមិនច្បាស់លាស់ ពួកគាត់និងធ្វើដំណើរទៅសាលាខេត្តប្រាប់លោកអភិបាលខេត្ត អោយដឹងរឿងនេះនៅខែកញ្ញាឆ្នាំ២០១៤នេះ ។
លោក ជួង សុភា នាយខ័ណ្ឌជលផលខេត្តបាត់ដំបងបានអោយដឹងថា រដ្ឋាភិបាលទទួលស្គាល់តែដីព្រៃលិចទឹក ដែលកាប់ទន្ទ្រានមុនឆ្នាំ២០០៥ ហើយគ្រាន់តែអោយអាស្រ័យផលចំពោះការកាប់ថ្មីបើមានរាយការជូនលោកនិងចុះចាប់ ហើយចុងខែសីហា សមត្ថកិច្ចជំនាញបានចុះដកបង្គោលព្រំ បែងចែកដីនៅចំណុចនោះ ហើយប្រាប់ដល់អជ្ញាធរឈប់អោយចេញប័ណ្ណផ្សេងៗ ដល់អ្នកកាប់ទន្ទ្រានដីព្រៃលិចទឹក ៕
