ខេត្តឧត្តរមានជ័យ៖ កម្លាំងប៉ុស្តិ៍នគរបាល រដ្ឋបាលសង្កាត់អូរស្មាច់ បានចេញល្បាតក្នុងភូមិសាស្ត្ររបស់ខ្លួន ហើយបានខ្លួនឃាត់ខ្លួនជនសង្ស័យ បានចំនួន ២នាក់ ពាក់ព័ន្ធករណី ជួញដូរ និងប្រើប្រាស់គ្រឿងញៀន និងដកហូតថ្នាំញៀនយ៉ាម៉ាចំនួន២កញ្ចប់តូច ។
កាលម៉ោង១និង២០នាទីរសៀលថ្ងៃទី១៣ខែមករាឆ្នាំ២០១៧ នៅចំណុចផ្លូវលេខ១២ ស្ថិតក្នុងភូមិចំការចេក សង្កាតអូរស្មាច់ ក្រុងសំរោង ដែល ៖ បុរសទី- ឈ្មោះ រឿន កែវ អាយុ ២៩ឆ្នាំ (អ្នកចែកចាយ) រស់នៅភូមិចំការចេក សង្កាត់អូរស្មាច់ ក្រុងសំរោង ។
បុរសទី២- ឈ្មោះ រឿន រ៉ាន់ ភេទប្រុស អាយុ ១៩ឆ្នាំ (អ្នកប្រើប្រាស់) រស់នៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ។
ដកហូតបានវត្ថុតាង ប្រភេទ (ម៉ាទឹកកក) ចំនួន ២កញ្ចប់តូច។
បច្ចុប្បន្ន ជនសង្ស័យទាំង ២នាក់ កំពុងឃាត់ខ្លួនទុកនៅប៉ុស្តិ ធ្វើការសួរនាំ និងកសាងសណុំរឿងតាមនីតិវិធី ៕
