ខេត្តបាត់ដំបង ៖ កម្លាំងនគរបាលស្រុកបាណន់ ឃាត់ខ្លួនបុរសម្នាក់ឆែកឆេរ ផ្ទះ រកឃើញថ្នាំញៀន់ម្សៅ ១កូនថង់និងចំនួន ២គ្រាប់ និង២ចំហៀង និងកាំភ្លើង១ដើម ព្រមទាំងសម្ភារ:មួយចំនួន នៅ ម៉ោង១០.១៥នាទី នៅថ្ងៃទី១១ ខែមករា ឆ្នាំ២០១៧ នៅភូមិសំពៅកើតឃុំភ្នំសំពៅ ស្រុកបាណន់ ខេត្តបាត់ដំបង ។ បុរសសង្ស័យ ដែលកម្លាំងនគរបាលស្រុកបាណន់ ឃាត់ខ្លួនមានឈ្មោះ នូវ សារ៉ា (ហៅ គ្រឹង) មានទីលំនៅក្នុងភូមិកើតហេតុ។
ក្នុងកិច្ចប្រតិបត្តិការណ៍សមត្ថកិច្ចឆែកឆេររកឃើញថ្នាំញៀន ម្សៅក្រាមពណ៍ស ១ កូនថង់។ថ្នាំគ្រាប់wyពណ៍ក្រហមចំនួន ២គ្រាប់ និង២ចំហៀង ។ ក្រោយចាប់ខ្លួន និងឆែកឆេរយើងបានសុំយោបល់ពីលោក ហេង លុយ ព្រះរាជអាជ្ញារង បន្តឆែកឆេរលំនៅដ្ឋានរកឃើញអាវុធ AK ឆ្នៃចំនួន ១ដើម.បង់ចំនួន ១ និងគ្រាប់ចំនួន ៣៦គ្រាប់។ ថ្នាំញៀនចំនួន ២ កញ្ចប់( សថ្លា១ថង់ស្រអាប់១ថង់)។ ជញ្ជីងថ្លឹង១។ បំពង់បឺត ២ថង់។ កូនថង់ ២ដុំ។ និងប្រដាប់ជក់មួយចំនួនទៀត។កង់ម៉ូតូ ចំនួន ៣. ផ្លាកលេខម៉ូតូ ២.របាំងច្រវាក់ ១សំរាប់កាងម៉ូតូ ១។ អាវនគរបាល ២( ឈុតខ្មៅ១ យ៉ឺតដៃខ្លី១)។ អាវយ៉ឺតអាវុធហត្ថ ១ និងខោប៉ារ៉ា ១ ។
បច្ចុប្បន្ន ជនសង្ស័យនិងវត្ថុតាងទាំងអស់ត្រូវនគបាលស្រុកបាណន់កំពុងរៀបចំកសាងសុំណុំរឿងបញ្ជូនទៅកាន់ការិយាល័យជំនាញ នៃស្នងការដ្ឋាន នគរបាលខេត្តបាត់ដំបង ចាត់ការបន្តតាមនិតិវិធីច្បាប់ ៕
