ខេត្តរតនគិរី ៖ នគរបាលស្រុកអូរជុំឃាត់ខ្លួន បុរសម្នាក់សមាជិកគណបក្សសម្ព័ន្ធ ដើម្បីលទ្ធិប្រជាធិបតេយ្យ ពេលចាក់ឧឃ្ឃោសនស័ព្ទបំពងសំលេងឃោសនានយោបាយ ដោយខុសច្បាប់ យកមកអប់រំ កាលពីវេលាម៉ោង៣នឹង១១នាទីរសៀល ថ្ងៃទី១០ ខែមករា ឆ្នាំ២០១៧មក អធិការដ្ឋាននគរបាលស្រុកអូរជុំ់។
យោងតាមរបាយការណ៍ពីនគរបាលស្រុកអូរជុំបានឲ្យដឹងថា របស់សកម្មជនមួយរូប នៃគណបក្សសម្ព័ន្ធដើម្បីលទ្ធិប្រជាធិបតេយ្យដែលមានឈ្មោះ សៀង ពិសិដ្ឋ អាយុ២៧ ឆ្នាំជនជាតិខ្មែរមាន ទីលំនៅបច្ចុប្បន្ន ភូមិអូររមៀត សង្កាត់ឡាបានសៀក ក្រុងបានលុង ខេត្តរតនគិរី ដោយនគរបាលបានធ្វើការអប់រំ និងធ្វើកិច្ចសន្យាជាលាយលក្ខអក្សរ ឲ្យបញ្ឈប់សកម្មភាពខាងលើនេះរង់ចាំដល់ពេលច្បាប់កំណត់ និងមានការអនុញ្ញាតពីគជប ជាមុនសិន ទើបអាចចាក់ឃោសនាបាន ៕
