ខេត្តរតនគិរី ៖ នៅព្រឹកថ្ងៃទី៨ ខែមករា ឆ្នាំ២០១៧ នៅទីស្នាក់ការគណបក្សប្រជាជនកម្ពុជាខេត្តរតនគិរី បានធ្វើសន្និសីទកាសែត ដោយមានការអញ្ជើញចូលរួម ពីឯកឧត្តមទេសរដ្ឋមន្ត្រី លី ធុជ សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាក្រុមការងារថ្នាក់ជាតិ ចុះជួយខេត្តរតនគិរី និង ឯកឧត្តម ណាប់ ប៊ុនហេង អនុប្រធានគណបក្សប្រជាជនកម្ពុជា ខេត្តរតនគិរី។
ឯកឧត្តមទេសរដ្ឋមន្ត្រី លី ធុជ បានលើកឡើងក្នុងឱកាសនោះថា លោក ឆាយ ធី មានអាយុ៤៨ឆ្នាំ បានបំរើការងារនៅសមាគមសិទ្ធិមនុស្ស អាដហុក ជិត១០ឆ្នាំ ជួយដោះស្រាយប្រជាពលរដ្ឋបញ្ហាដីធ្លី បញ្ហាសិទ្ធិមនុស្ស និបញ្ហាបណ្តឹងផ្សេងៗទៀតត្រូវបានប្រជាពលរដ្ឋ គោរពស្រលាញ់ បានដាក់ពាក្យសុំចូលរួមជា សមាជិកបក្សប្រជាជនកម្ពុជាពេញសិទ្ធ ចាប់ពីពេលនេះតទៅ។
ឯកឧត្តមទេសរដ្ឋមន្ត្រីបញ្ជាក់ថា ក្នុងនាមសម្តេចតេជោ ហ៊ុន សែន ប្រធានគណបក្សប្រជាជនកម្ពុជា សូមជូនពរលោក ឆាយ ធី ឲ្យទទួលជោកជ័យ ក្នុងក្របខណ្ឌការងារ។
លោក ឆាយ ធី បានបកស្រាយបំភ្លឺ ជុំវិញការលាលែងរបស់លោក ពីសមាគមអាដហុក មករួមរស់ជីវភាពនយោបាយ ជាមួយគណបក្សប្រជាជនកម្ពុជា៖ឃើញគណបក្សសង្គ្រោះជាតិ កន្លងមកទទួលសម្លេងឆ្នោតបានកៅអី ក្នុងសភា ហើយមិនព្រមចូលធ្វើការ និយាយភូតកុហក់ សន្យាខ្យល់ ក្និងបក្សរញ៉េរញ៉ៃ មានរឿងអាស្រូវដោយស្រីញីជាដើម។ដោយឃើញ គោលនយោបាយរបស់គណបក្សប្រជាជនកម្ពុជាល្អនិងឃើញដឹកនាំផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីមានការអភិវឌ្ឍន៍ប្រទេសពិតប្រាកដ បានដោះស្រាយបញ្ហាធំៗ បញ្ចប់សង្គ្រាមស៊ីវិល យុទ្ធសាស្ត្រឈ្នះឈ្នះ មិនប្រើកាំភ្លើងនិងមានចិត្តធម៌រំលែកអំណាចជូនភាគី ធ្លាប់ធ្វើសង្គ្រាមតតាំងគ្នាជាដើម។
លោក ឆាយ ធី បន្តថា រូបលោកបានថ្លែងអំណរគុណយ៉ាងជ្រាលជ្រៅ ចំពោះសម្តេចតេជោ ហ៊ុន សែន ប្រធានគណបក្សប្រជាជនកម្ពុជា, ឯកឧត្ដម ប៊ូ ថង សមាជិកអចិន្ត្រៃយ៍ គណៈកម្មាធិការកណ្តាល, ឯកឧត្តម លី ធុជ សមាជិកគណៈកម្មាធិការកណ្តាល, ឯកឧត្តម ម៉ួង ប៉យ ប្រធានគណបក្សប្រជាជនកម្ពុជា ខេត្តរតនគិរី និង ឯកឧត្តម ថង សាវុន អនុប្រធានគណបក្ស ប្រជាជនកម្ពុជា ខេត្តរតនគិរី។
លោកឆាយធីប្តេជ្ញាចិត្តខិតខំយកអស់កម្លាំងកាយចិត្ត បម្រើប្រជាពលរដ្ឋឃុំប៉ាតេនិងឲ្យពួគគាត់ បោះឆ្នោតជូនគណបក្សប្រជាជនកម្ពុជាវិញដោយមានរូបលោកឈឈ្មោះជាបេក្ខជនទី១នៃគបក្សប្រជាជនកម្ពុជា ៕
