រាជធានីភ្នំពេញ៖ បុរសម្នាក់និងថ្នាំញៀន២ថង់និងឧបករណ៍ប្រើប្រាស់មួយចំនួនទៀតត្រូវនគរបាលខណ្ឌឬស្សីកែវបង្ក្រាបបាន
កាលពីវេលាម៉ោង ថ្ងៃទី០៦ ខែមករា ឆ្នាំ២០១៧ ដែលស្ថិតនៅចំណុចផ្ទះជួល ផ្លូវលំ ក្រុម១ ភូមិលូ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។
សមត្ថកិច្ចបានឲ្យដឹងថា បុរសសង្ស័យមានឈ្មោះ គង់ ម៉ាប់ អាយុ ៣៨ឆ្នាំ មុខរបរ មិនពិតប្រាកដ មានទីលំនៅផ្ទះជួល ផ្លូវលំ ក្រុម១ ភូមិលូ សង្កាត់ស្វាយប៉ាក ខណ្ឌឬស្សីកែវ។
សមត្ថកិច្ចបានបន្តទៀតថា នៅក្នុងប្រតិបត្តិការឆ្មក់ចូលបង្ក្រាបទីតាំងជួញដូរ និងចែកចាយគ្រឿងញៀន មួយកន្លែង ដែលស្ថិតនៅតាមបណ្តោយមាត់ទន្លេសាប ក្នុងក្រុម១ ភូមិលូ ដោយបានធ្វើការឃាត់ខ្លួនជនសង្ស័យម្នាក់ ព្រមទាំងបានដកហូតថ្នាំញៀន ២ថង់ និងឧបករណ៍ប្រើប្រាស់មួយចំនួនទៀត។
បុរសសង្ស័យបានសារភាពថា ខ្លួនពិតជាបានជួញដូរ និងចែកចាយគ្រឿងញៀនពិតប្រាកដមែន ដោយរូបខ្លួនបានលក់ក្នុងមួយថង់តម្លៃ ២៥០០០រៀលទៅ ៣៥០០០រៀល ដោយបានលក់ចំណេញក្នុងមួយថង់តម្លៃ ៥០០០រៀល។
បច្ចុប្បន្នជនសង្ស័យរួមនឹងវត្ថុតាង ត្រូវសមត្ថកិច្ចនគរបាលខណ្ឌឬស្សីកែវ រៀបចំ កសាងសំណុំរឿងចាត់ការតាមនិតិវិធីច្បាប់៕
