ខេត្តបន្ទាយមានជ័យ ៖ មានករណីគ្រោះថ្នាក់ចរាចរណ៍មួយបានកើតឡើង រវាងមូតូមួយគ្រឿងបើកអស់សាំងនៅកណ្តាលផ្លូវបណ្តើរ ទៅចាក់សាំងត្រូវរថយន្តបើកមកពីក្រោយបុកស្លាប់ក្រោយ ពីកើតហេតរួចរយន្តជិះគេចខ្លួនបាត់នៅវេលាម៉ោង១០យប់ថ្ងៃទី៣ខែមករាឆ្នាំ២០១៦ នៅលើកំណាត់ផ្លូវជាតិលេខ5 ស្ថិតក្នុងភូមិម៉ក់ហ៊ឺន ឃុំកូប ស្រុកអូរជ្រៅ ខេត្តបន្ទាយមានជ័យ ។
លោកវរៈសេនីយ៍ត្រី ជា ពិសី មេបញ្ជាការមូលដ្ឋានអាវុធហត្ថស្រុកអូរជ្រៅបានឲ្យដឹងថា នៅមុនពេលកើតហេតុនោះគេបានឃើញរថយន្តមិនស្គាល់ម៉ាក បានបើកយ៉ាងលឿនសំទៅក្រុងប៉ោយប៉ែតលុះបើកមកដល់ចំណុចកើតហេតុនោះស្រាប់តែរេចង្កូតទៅបុកនឹងម៉ូតូម៉ាកទ្រីមសង់ C125 ពណ៌ខ្មៅ សេរីឆ្នាំ2012 ពាក់ស្លាកលេខ បាត់ដំបង 1M.6285 ធ្វើដំណើរពីលិចទៅកើតពេញទំហឹង បណ្តាលឲ្យអ្នកបើកម៉ូតូស្លាប់ភ្លាមមួយរំពេច ។
លោក ជា ពិសី បានបញ្ជាក់ទៀតថា ជនរងគ្រោះមានឈ្មោះ ថា សារឿង ភេទប្រុស អាយុ២៤ឆ្នាំ រស់នៅភូមិផ្សារកណ្តាល សង្កាតផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកជាពិសីបានបញ្ជាក់ទៀតថា សមត្ថកិច្ចបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី ក្រោយពីកើតហេតរួច ចំណែកម៉ូតូសមិត្ថកិច្ចបានប្រគល់ជូនក្រុមគ្រួសារវិញរីឯរថយន្តសមិត្ថកិច្ចកំពង់ស្វែងរកចាប់មកដាក់ទោសទៅតាមផ្លូវច្បាប់ហើយ ៕
