ខេត្តបន្ទាយមានជ័យ ៖ បុរសម្នាក់បានជិះមូតូទៅបុកគោយន្ត ពីក្រោយទាំងកំរោលលាន់ដូចរន្ទះ បណ្តាលស្លាប់ភ្លាមមួយរំពេច នៅថ្ងៃទីវេលាម៉ោង៥ល្ងាច ថ្ងៃទី៣ ខែមករា ឆ្នាំ២០១៧ នៅចំណុភូមិថ្មកែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ត្រី ដុំ ចិត្ត មេបញ្ជាការមូលដ្ឋានកងរាជអាវុធហត្ថស្រុកថ្មពួកបានឲ្យដឹងថា នៅមុនពេលកើតហេតុនោះមានគោយន្តកន្ត្រៃមួយគ្រឿង ម៉ាកស្យាមគូបូតា ព៌ណក្រហម បើកដោយឈ្មោះ ឆាំគីរី ភេទប្រុស អាយុ១៩ឆ្នាំ រស់នៅភូមិក្បាលទន្សោង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បើកគោយន្តដើលក់ត្រី លុះបើកមកដល់ចំណុចកើតហេតុ ស្រាប់តែមានម៉ូតូមួយគ្រឿម៉ាកហុងដាទ្រីម សេ100 សង់សេរីចាស់ព៌ណស បើកដោយឈ្មោះជី ជាតិ ភេទប្រុស អាយុ១៨ឆ្នាំរស់នៅភូមិស្រះជ្រៃ ឃុំបន្ទាយឆ្មារស្រុកថ្មពួក ខេត្ត បន្ទាយមានជ័យ ក្នុងលក្ខណៈស្រវឹងស្រា ក្នុងទិសដៅស្របទិសគ្នាពីជើងទៅត្បូង ។ លុះបើកមកដល់ចំណុចកើតហេតុ ដោយសារជាតិស្រាចូលពោះខ្លាំង បាត់សតិ បណ្ដាលឲ្យបើកទៅបុកគោយន្តកន្ត្រៃពីក្រោយទាំងគំរោលបណ្តាលឲ្យអ្នកបើកម៉ូតូស្លាប់នៅនិងកន្លែងកើតហេតុតែម្ដង ។ ក្រោយពីកើតហេតុរួច សមត្ថកិច្ចបានមកដល់ហើយបានយកវត្ថុតាង ម៉ូតូ និងគោយន្តកន្ត្រៃ បញ្ជូនទៅកាន់អធិការដ្ឋាននគរបាលស្រុកថ្មពួក ដើម្បីរងចាំដោះស្រាយនៅពេលក្រោយ ៕
