ប្រទេសថៃ ៖ រថយន្តតួរីសដឹកអ្នកដំណើរ បុកនិងរថយន្តនីសាន់ ដឹកអ្នកដំណើរដូចគ្នា ពេល ផ្ទុះហ្គាស់ស្លាប់២៥នាកនិងរួស២នាក់់ នៅក្នុងហេតុការណ៍គ្រោះថ្នាក់ចរាចរណ៍មួយដ៏គួរអោយរន្ធត់នៅក្នុងប្រទេសថៃ ហើយគេសង្ស័យថាមានជនជាតិខ្មែរផងដែរ នៅវេលាម៉ោង២ រសៀល ថ្ងៃទី ២ ខែមករា ឆ្នាំ២០១៧ តាមបណ្តោយផ្លូវលេខ ៣៤៤ ក្នុងភូមិ១ ឃុំណងអ៊ីរុណ ស្រុកបានបឹង ខេត្តឆុនបុរី ប្រទេសថៃ ។
លោក បាន់ឆា ប៉ានណាំ សាក្សីដែលបានឃើញហេតុការណ៍បាននិយាយថា នៅមុនពេលកើតហេតុគឺមានរថយន្តមួយគ្រឿង ប្រភេទតួរីសដឹកអ្នកដំណើរ ពាក់ស្លាកលេខបាងកក ១៥.១៣៥២ ដែលបានធ្វើដំណើរក្នុងទិសដៅពីខេត្តច័ន្ទបុរីប្រទេសថៃ(ព្រំដែនកម្ពុជា ជាប់នឹងខេត្តប៉ៃលិន ) ឆ្ពោះទៅកាន់ទីក្រុងបាងកក ។
នៅពេលនោះដែរ គឺអ្នកបើកបររថយន្តតួរីស ហាក់បីដូចជាងងុយដេក គឺបានរេចង្កូត ខណៈដែលរថយន្តកំពុងមានល្បឿនលឿន ហើយបានជ្រុលទៅបុកនឹងរថយន្តមួយគ្រឿងទៀត ម៉ាកនីសាន់ ពាក់ស្លាកលេខ បាងកក ២៤៨៣ ដែលកំពុងធ្វើដំណើរច្រាស់ទិសគ្នាយ៉ាងពេញទំហឹង ធ្វើអោយរថយន្តបានធ្លាយធុងហ្គាស ហើយក៏មានអណ្តាតភ្លើងឆាបឆេះឡើងតែម្តង ។
ក្រោយពេលកើតហេតុ និងបន្ទាប់ពីទទួលបានព័ត៌មានរួចមក កំលាំងតម្រួតថៃផ្នែកអគ្គីភ័យ បានចេញប្រតិបត្តិការដើម្បីជួយពន្លត់អណ្តាយភ្លើងនេះ ជាលទ្ធផលនៅក្នុងហេតុការណ៍នេះដែរ គេសង្គេតឃើញថា មនុស្សដែលជិះនៅក្នុងរថយន្តតួរីសដែលសរុបមានចំនួន១៤នាក់ បានស្លាប់ទាំងអស់ គឺមានប្រុស៤នាក់ និងស្រី១០នាក់ ដោយឡែកនៅក្នុងរថយន្តនីសាន់ មានអ្នកដំណើរសរុប ១៣នាក់ បានស្លាប់ដោយសារអណ្តាតភ្លើងអស់ចំនួន១១នាក់ ក្នុងនោះប្រុស៥នាក់ និងស្រី៦នាក់ ចំណែកអ្នកដំណើរ២នាក់ទៀតបានរងរបួសជាទម្ងន់ ដែលត្រូវបានបញ្ជូនទៅសង្គ្រោះនៅឯមន្ទីរពេទ្យ ។
នៅក្នុងពេលនោះដែរ នៅក្នុងចំណោមជនរងគ្រោះទាំងអស់ គេមិនទាន់ដឹងថា តើមានពលករខ្មែរដែរឬទេ ព្រោះទិសដៅពីច័ន្ទបុរី ឆ្ពោះទៅក្រុងបាងកក គឺគេសង្ស័យថាអាចមានខ្មែរនៅក្នុងនោះដែរ ៕
