ខេត្តបន្ទាយមានជ័យ៖ លោកស្រីណាតសីុវឡាយនាយិកាវិទ្យាល័យសិរីសោភ័ណបានប្រព្រឹត្តអំពើពុករលួយនិងប្រើសម្ដីគំរោះគំរើយ ដាក់សិស្សនិងលោកគ្រូអ្នកគ្រូ ត្រូវបាន ឯកឧត្តម លី សារី អភិបាលរងខេត្តបន្ទាយមានជ័យនិង លោកស្តើងតុងហឹងប្រធានមន្ទីរអប់រំខេត្តបន្ទាយមានជ័យប្រកាសផ្លាស់ប្តូរនិងបញ្ឈប់ការងារ កាលព្រឹកថ្ងៃទី ២ ខែមករាឆ្នាំ២០១៧នៅសាលប្រជុំមន្ទីរអប់រំខេត្តបន្ទាយមានជ័យ។
នៅក្នុងកិច្ចប្រជុំនេះ ឯកឧត្តម លី សារី អភិបាលរងខេត្តបន្ទាយមានជ័យបានមានប្រសាសន៍ថាថ្ងៃនេះលោកមានកិត្តិយសណាស់ដែលបានចូលរួមក្នុងពិធីប្រកាសស្តីពីថ្នាក់ដឹកនាំថ្មីនិងគ្រប់គ្រងវិទ្យាល័យសិរីសោភ័ណជាបណ្តោះអាសន្ន។ឯកឧត្តម លី សារី បានបញ្ជាក់ទៀតថាឆ្លងតាមរយៈបណ្តឹ ងរបស់លោកគ្រូ អ្នកគ្រូកាលពីថ្ងៃទី២៦ខែ ធ្នូ ឆ្នាំ២០១៦កន្លងមកនោះ លើការដឹកនាំ និងគ្រប់គ្រងរបស់លោកស្រី ណាត ស៊ីវឡាយ នាយិកាវិទ្យាល័យសិរីសោភ័ណ បានប្រព្រឹត្តអំពើពុករលួយ និងប្រើសម្ដីគំរោះគំរើយ មកលើពួកគាត់ និងសិស្សទៀតផង ។ ក្រោយមករដ្ឋបាលសាលាខេត្តបានបង្កើតក្រុមការងារមួយ ដើម្បីធ្វើការចុះត្រួតពិនិត្យនិងប្រមូលព័ត៌មានលើការដឹកនាំនិងគ្រប់គ្រង ដែលបានបែងចែកជាពីក្រុមក្នុងនោះ ១ ក្រុមចុះជួបជាមួយថ្នាក់ដឹកនាំសាលានិង១ក្រុមទៀតចុះជួបជាមួយលោកគ្រូនិងអ្នកគ្រួ ។
ឯកឧត្តម លី សារី បានបញ្ជាក់ទៀតថា ដើម្បីបង្កលក្ខណៈលើសតិអារម្មណ៍លោកគ្រូ និងអ្នកគ្រូរដ្ឋបាលខេត្តបានសម្រេចផ្អាកការងារជាបណ្តោះអាសន្នតាមស្មា រតីនៃសេចក្តីសម្រេចលេខ៤៥១/១៦ ស ស រ ចុះថ្ងៃទី២៦ខែធ្នូ ឆ្នាំ២០១៦ របស់រដ្ឋបាលខេត្ត ដើម្បីងាយស្រួលទុកលទ្ធភាពដល់រដ្ឋបាលខេត្ត ក៏ដួចជាក្រសួងអប់រំក្នុងការពិនិត្យ និងសម្រេចបង្កើតគណៈកម្មាធិការដឹកនាំនិងគ្រប់គ្រងវិទ្យាល័យសិរីសោភ័ណ ជាបណ្តោះអាសន្នដើម្បីដឹកនាំវិទ្យាល័លសិរីសោភ័ណឲ្យដំណើរការបង្ក្រៀននិងរៀនមានប្រសិទ្ធភាពរហូតដល់មានការរៀបចំនាយក នាយករងឲ្យបានត្រឹមត្រូវសម្រាប់ដឹកនាំបន្ត ។
ឯកឧត្តម លី សារី បានបញ្ជាក់ទៀតថា ក្នុងនាមលោកជាថ្នាក់ដឹកនាំរបស់រដ្ឋបាលខេត្តលោកមិនប្រងើយកន្តើយ ក្នុងការចូលរួមដើម្បីរកដំណោះស្រាយរបស់លោកគ្រូនិងអ្នកដែលបានដាក់ពាក្យបណ្តឹងកន្លងមកនេះ លើការដឹកនាំនិងគ្រប់គ្រងរបស់លោកស្រី ណាត ស៊ីវឡាយ នាយិកាវិទ្យាល័យសិរីសោភ័ណបានប្រព្រឹត្តអំពើពុករលួយនិងប្រើសម្ដីគំរោះគំរើយ មកលើពួកគាត់សិស្សឲ្យបានសុក្រិត ដើម្បីឆ្លើយតមតាមតម្រូវការរបស់លោកគ្រូ និងអ្នកគ្រូ ជាពិសេសប្រជាពលរដ្ឋប្រកបដោយប្រសិទ្ធភាព និងកាន់តែរហ័សថែមទៀតផង ៕
