ខេត្តព្រះសីហនុ៖ មានការភ្ញាក់ផ្អើលបន្ទាប់ពីមិត្តភ័ក្តជនរងគ្រោះនិងម្ចាស់ផ្ទះជួលបើកទ្វារបន្ទប់ឃើញសាកសពបរទេស២នាក់ចងករ ដោយមានចងភ្នែកនិងចងមាត់ជាប់បង្អួចស្ទើស្អុយរលួយនៅបន្ទប់ផ្ទះជួល នៅព្រឹកថ្ងៃទី០២មករាឆ្នាំ២០១៧ មួយកន្លែង ស្ថិតក្នុងភូមិ៣ សង្កាត់២ ក្រុង-ខេត្តព្រះសីហនុ ក្រោមរូបភាពដ៏អាថ៍កំបាំង។
ក្រុមសមត្ថកិច្ចនគរបាលបានធ្វើការបញ្ជាក់ថា សពទាំងពីរចងករ នឹងក្រមាជាប់នឹងចង្រឹងបង្អួច ដោយជនរងគ្រោះត្រូវបានរំមុខជិត និងស្ត្រីចងក្រណាត់បិទមាត់ជិត និងដៃទាំងពីរដាក់ទៅក្រោយហាក់ត្រូវគេចងយ៉ាងដូច្នេះដែរ។
ករណីនេះសមត្ថកិច្ចនគរបាល ការិយាល័យបច្ចេកទេសនៃស្នងការដ្ឋាននគរបាលខេត្តព្រះសីហនុ មិនបានអនុញ្ញាត្តិអោយចូលទៅជិតសាកសពដើម្បីសាកសួរអំពីព័ត៌មានផ្សេងៗ ពាក់ព័ន្ធនឹងសពនោះឡើយ ។
តែទោះបីយ៉ាងណាក៏ដោយ ចំពោះករណីនេះ ត្រូវបានសមត្ថកិច្ចខ្លះ លួចខ្សឹបប្រាប់អោយដឹងថា ករណីមនុស្សឃាត ហើយសភាពនៃការស្លាប់ ក៏មានលក្ខណៈខុសពីមនុស្សចងកសម្លាប់ដោយខ្លួនឯងដែរ ។
សាកសពទី1-ឈ្មោះ GOLDIE IMOGEN SASKIA ភេទ ស្រី អាយុ 28 ឆ្នាំ ជនជាតិ អង់គ្លេស កាន់លិខិតឆ្លងដែនលេខ 460844728 ទី2- ឈ្មោះ WELLS JEFFREY ROBERT ភេទ ប្រុស អាយុ 36 ឆ្នាំ ជនជាតិ អង់គ្លេស កាន់លិខិតឆ្លងដែនលេខ 463487360 ។
បើតាមការបញ្ជាក់របស់ម្ចាស់ផ្ទះជួល ឈ្មោះ អ៊ុត ហ្គូអេសំអៀន បានអោយដឹងថា ជនរងគ្រោះទាំង២នាក់នឹងចាកចេញនៅថ្ងៃទី ២៩ ខែ ធ្នូ ឆ្នាំ ២០១៦ តែពុំបានឃើញយកលុយមកបង់ មិត្តភ័ក្ត្រជនរងគ្រោះ ដោយសារទូរស័ព្ទមិនចូល ក៏បានមកដល់បន្ទប់ ហើយឃើញជនរងគ្រោះបានស្លាប់ដោយសារចងករ ។
ជុំវិញការស្លាប់របស់ជនបរទេសទាំងពីរនេះត្រូវបានគេសង្ស័យថា ជាអំពើឃាតកម្ម ដោយសារសពហើមស្អុយរលួយទៅហើយ ព្រោះនៅលើខ្លួនសាកសពមានចងភ្នែក និង ចងមាត់ ឯ ជើងឈរនៅលើការ៉ូបន្ទប់។
ប៉ុន្តែបើទោះបីជាមានការសន្និដ្ឋានផ្សេងៗគ្នាយ៉ាងណាក្តី ក៏ឯកឧត្តម ឧត្តម សេនីយ៍ទោ ជួន ណារិន្ឋ ស្នងការនគរបាលខេត្តព្រះសីហនុ បានអះអាងថា បើយោងតាមការពិនិត្យលើខ្លួនសាកសព្វ និង ទីតាំងកើតហេតុ ចាប់តាំងពីទទួលពត័មាន រហូតដល់ម៉ោងជាង១០ព្រឹកថ្ងៃទី០២មករាឆ្នាំ២០១៧នេះជំហ៊ានតំបូង៩០ % សមត្ថកិច្ចអាចសន្និដ្ឋានបានថា ជាករណីអត្តឃាត តែសមត្ថិកិច្ចនៅតែធ្វើការស្រាវជ្រាវស៊ើបអង្កេតដ៏ដែល ជុំវិញបញ្ហានេះ។
បច្ចុប្បន្នសមត្ថកិច្ចជំនាញកំពុងធ្វើកោសល្យវិច្ច័យ ដើម្បី រង់ចាំ ស្ថានទូត ទទួលសាកសពយកទៅធ្វើបុណ្យ ។
សូមបញ្ជាក់ផងដែរថា ជុំវិញករណីនេះ ចំពោះអ្នកសារព័ត៌មានពុំត្រូវបានម្ចាស់ផ្ទះ និង សមត្ថកិច្ចពាក់ព័ន្ឋមួយចំនួន មិនអនុញ្ញាត្តិអោយអ្នកសារព័ត៌មានចូលថតយករូបភាពនោះទេ ដោយក្រុមសមត្ថកិច្ចពាក់ព័ន្ឋទាំងនោះបិតទ្វារបង មិនអោយចូលសូម្បីតែឈរមុខបន្ទប់សាកសពក៏មិនអនុញ្ញាត្តិអោយឈរក្បែរដែរ ៕
