សៀមរាប៖ បុគ្គលិកក្រុមហ៊ុនអាហារបំប៉ន របស់ថៃ ស្លាប់២ និង របួសធ្ងន់១ម្នាក់ ត្រូវបានជនមិនស្គាល់មុខអា.ក.សម្លាប់នៅក្នុងបន្ទាប់ជួល
នៅព្រឹកថ្ងៃទី០១ខែមករា ឆ្នាំ២០១៧ ស្ថិតនៅក្នុងបន្ទប់ជួល ក្រុមទី៦ ភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប មានករណីឃាតកម្មមួយបានកើតឡើងទៅលើបុគ្គលិកក្រុមហ៊ុនអាហារបំប៉ន របស់ថៃ ប្រុស ស្រី ចំនួន៣នាក់ ដែលត្រូវបានឃាត.ក.មិនស្គាល់មុខ ចូលទៅអា.ក.សម្លាប់ចោលក្នុងថ្លុកឈាម ដល់បន្ទប់ជួល ខណៈជនរងគ្រោះកំពុងដេកលង់លក់ បណ្តាលឱ្យស្លាប់ ២នាក់ របួសធ្ងន់(ស្រី)ម្នាក់ បញ្ជូនទៅជួយសង្គ្រោះភ្លាមនៅមន្ទីរពេទ្យបង្អែកខេត្តសៀមរាប និងបានបង្កឱ្យមានការភ្ញាក់ផ្អើលពេញមុខបន្ទប់ផ្ទះជួល និងសមត្ថកិច្ចនគរបាល និងកម្លាំងពាក់ព័ន្ធជាច្រើននាក់ទៀត ។
ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីព្រលឹមម៉ោងប្រហែលជា៤ទៀបភ្លឺ ដល់ម៉ោង៦ព្រឹក។
បើតាមប្រភពពីសមត្ថកិច្ចនគរបាលដែលបានចុះទៅដល់កន្លែងកើតហេតុប្រាប់ជំហានដំបូងថា ជនរងគ្រោះប្រុសស្រីទាំង៣នាក់នេះ ត្រូវឃាតកសម្លាប់អាកបណ្តាលឱ្យស្លាប់២នាក់ និងរបួសធ្ងន់(ស្រី)ម្នាក់ ករណីនេះប្រហែលជារឿងគំនុំ ព្រោះទ្រព្យសម្បត្តិមួយចំនួន របស់ជនរងគ្រោះ ឃើញនៅក្នុងបន្ទប់ជួល ព្រមទាំងមានឯកសារ របស់បុគ្គលិកទាំង៣នាក់នោះផងដែរ។ប្រភពបានបន្តថា ជនរងគ្រោះប្រុស ស្រី ទាំង៣នាក់នោះមាន៖ ១-ឈ្មោះ ឃុយ សុឃឹន ភេទប្រុស អាយុ២៧ឆ្នាំ មុខរបរបុគ្គលិកក្រុមហ៊ុនអាហារបំប៉ន មានស្រុកកំណើតរស់នៅ ភូមិស្រែស្រូវ ឃុំល្បើក ស្រុកឈូក ខេត្តកំពត (អា.ក.ស្លាប់)។ ២-ឈ្មោះ វេត រដ្ឋា ភេទប្រុស អាយុ២៥ឆ្នាំ មុខរបរបុគ្គលិកក្រុមហ៊ុនអាហារបំប៉ន មានស្រុកកំណើតនៅ ភូមិគោកព្រិច ឃុំសូភី ស្រុកអូជ្រៅ ខេត្តបន្ទាយមានជ័យ (អា.ក.ស្លាប់)។ ៣-ឈ្មោះ ឡេង ស្រី ពៅ ភេទស្រី អាយុ២៨ឆ្នាំ មុខរបរបុគ្គលិកក្រុមហ៊ុនអាហារបំប៉ន មានស្រុកកំណើតនៅភូមិការ៉េនជោ ឃុំអង្គាញ់ ស្រុកទ្រាំង ខេត្តតាកែវ (របួសធ្ងន់ លើផ្ទៃមុខ)។
បច្ចុប្បន្នជនរងគ្រោះទាំង០៣នាក់ ស្នាក់នៅបន្ទប់ជួល កន្លែងកើតហេតុខាងលើ ដែលមានម្ចាស់ផ្ទះឈ្មោះ ប៉ូច ធិន ភេទស្រី អាយុ៥២ (ម្ចាស់ផ្ទះ)មានទីលំនៅ ក្រុមទី៦ ភូមិសាលាកន្សែង សង្កាត់ស្វាយដង្គំ ក្រុង/ខេត្ត សៀមរាប។ប្រភពបានបញ្ជាក់បន្ថែមទៀតថា បន្ទាប់ពីសមត្ថកិច្ចចម្រុះចូលត្រួតពិនិត្យក្រែងមានតំរ៉ុយឃើញខ្លះៗ ខណៈពេលនោះសមត្ថកិច្ចក៏បានធ្វើការនាំខ្លួនបុគ្គលិករបស់ក្រុមហ៊ុនអាហារបំប៉ន ចំនួន២នាក់ ដែលនាំគ្នាឈរមើលនៅខាងក្រៅបន្ទប់ជនរងគ្រោះ នោះយកទៅសួរនាំនៅការិយាល័យនគរបាលបទល្មើសព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តសៀមរាប ជាបណ្តោះអសន្ន ។
សូមបញ្ជាក់ថា បច្ចុប្បន្នកម្លាំងសមត្ថកិច្ចចម្រុះ កំពុងដុតដៃ ដុតជើង ដើម្បីស្រាវជ្រាវ ស្វែងរក ជនដៃ ដល់ ដែលបានសម្លាប់អាក បុគ្គលិករបស់ក្រុមហ៊ុនអាហារបំប៉ន នោះយកមក ផ្តន្ទាទោសទៅតាមផ្លូវច្បាប់ ៕
