ខេត្តឧត្តរមានជ័យ ៖ ក្មេងស្រីអាយុ២ឆ្នាំលេងទឹកក្រោមព្រះភូមិផ្ទះមុខផ្ទះអ្នកជិតខាង ពេលឪពុកម្តាយរវល់លក់ដូរបណ្តាល ឲ្យលង់ស្លាប់ កាលពីម៉ោង១៤និង៤០នាទី រសៀលថ្ងៃទី២០ ខែធ្នូ ឆ្នាំ២០១៦ នៅភូមិអូរចិញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
ប្រភពពីសមត្ថកិច្ចនគរបាលស្រុកអន្លង់វែងបានឲ្យដឹងថាក្មេងស្រីលេងទឹកព្រះភូមិផ្ទះលង់ស្លាប់មានឈ្មោះភារុំហាណាអាយុ២ឆ្នាំ មានឪពុកឈ្មោះរដ្ឋភារុំអាយុ២៥ឆ្នាំ និងម្តាយឈ្មោះហេងស្រីនិចអាយុ១៩ឆ្នាំ របរលក់ខោរអាវ ។ ចំណែកអ្នកជិតខាងឈ្មោះទិនហេងភេទប្រុសអាយុ៤១ឆ្នាំ អ្នកទាំងអស់គ្នារស់នៅ ភូមិអូរចិញ្ជៀនឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
សមត្ថកិច្ចនគរបាលបានបញ្ជាក់ថាក្មេងស្រីពិតជាលង់ទឹកក្រោមព្រះភូមិផ្ទះស្លាប់មែនមិនមានករណីឃាតកម្មអ្វីឡើយ៕
